Halo Seminariu “Juventude Horseik”, CAMSTL Selebra Loron Mate Eroi Nino Konis Santa
Imajen: Estudante Ensinu Baziku, Sekundariu no Universitariu Sira Iha Salaun CAMSTL Colmera, Dili sesta 17/03/2023.
SAPNewsTL, Dili – Centro Audivisual Max Stahl Timor-Leste (CAMSTL) halo seminariu ho tema juvetude horseik hodi selebra loron mate eroi Nini Konis Santana ba dala 25 hodi motiva fali jerasaun foun iha Timor-Leste ka fanun fali estudante no joven sira atu sai nabilan iha nasaun ne’e.
“Ita halibur iha fatin ida ne’e atu partisipa mini siminariu ho tema “juventude horselk”, ho objetivu husi atu haklean liu tan estudante sira nia koñesimentu konaba istoria husi passadu hodi sai hanesan bukae ida hodi kontinua hatutan ka habelar istoria ba jerasaun foun sira atu sira hatene katak antes ita nia nasaun hetan independensia ita konsege ultrapassa istoria moruk lubuk ida iha pasadu”, dehan diretor ezekutivu CAMSTL Eudicitio Pinto ba jornalista iha salaun CAMSTL Colmera, Dili sesta ( 17/03/2023).
Imajen: Diretor ezekutivu CAMSTL Eudicitio Pinto
Diretor hatutan, halibur malu iha fatin ida ne’e atu fahe esperensia matenek no istoria kona ba loron komemorasaun mate Eroi Nino Konis Santana nian ba Dala 25 iha Timor leste, tanba laiha istoria sei laiha liberdade no Patria , nasaun nia istoria mai husi pasadu ho memoria rezistensia, ida ne’e mak identidade istoria no CAMSTL nu’udar fonte i ba jerasaun foun sira iha Timor-Leste hodi hare’e fila fali ba joven rezistensia uluk no agora, CAMSTL husu ba juventude feto no mane hotu iha Timor-Leste tenki iha vontande hanesan joven feto no mane rezistensia sira luta ba ukun an nune’e foinsa’e agora hamutuk hodi luta futuru.
Imajen: Diretor ezekutivu gabinete ba apoiu sosiadade sivil auditoria sosial Edwin Duarte Soares Noronha
Iha fatin hanesan diretor ezekutivu gabinete ba apoiu sosiadade sivil auditoria sosial Edwin Duarte Soares Noronha, nia sente orgullu hamutuk fali ho joven sira hodi selebra loron mate eroi Nino Konis Santana ba dala 25 iha Timor-Leste
“Hau sente orgullu tebes tanba ohin bele mai hamriik iha fatin ida ne’e hodi hamutuk fali ho juventude no estudante sira hodi selebra loron mate eroi Nino Konis Santana ba dalan 25 iha Timor Leste hodi hare’e liu ba ita nia joventude resistensia sira uluk luta hodi hasoru ukun rasik an ida ne’e, CAMSTL halo prezervasaun istoria luta libertasaun pasadu nian husi SASCAS apiou saida mak aira halo ne’e bele promove liu tan istoria audiovisual sira ne’e”, tenik Edwin
Edwin akresenta, husu ba estudante sira tenki sai hanesan juventude rezistensia sira uluk, juventude sira uluk ho agora la hanesan tanba joven sira uluk luta ba manan ukun rasik an maibe joven sira agora ne’e la tau importanisia ba sira nia oportunidade mak iha ba hodi luta ba futuru.
Imajen: Koronel Domingos de Comara, “Amicu”
Iha sorin orador dahuluk koronel Domingos de Comara, “Amicu” afirma, ohin mai iha ne’e atu fahe materia rezistencia juventude horseik no ohin loron ba juvetude no estudante sira hodi koalia saida mak sira hasoru iha rezisitensia 1975 nian
“Ohin hau mai atu fahe deit esperensia pasadu nian mak ami hasoru iha rezisitensia 1975 nian iha ailaran hodi luta ba ukun ann ba estudante no juventude sira nunne’e materia hau fahe mak “rezistensia juventude horseik no Ohin Loron” kolia liu ba oinsa ita hare’e joven sira uluk no agora ne’e ita hare’e diferensia tebes tanba joven sira uluk ne’e luta ba ukun ann maibe joven Sira agora ne’e luta ba halimar deit”, Domingos hataten
Domingos aumenta tan, joven sira uluk ne’e asesu ba eskola, han hemu transporte no telefone ne’e araska tebes maibe sira nafatin luta hodi ukun rasik an no sai ezemplu ba ema hotu iha mundu ida nee maibe joven ida agora ne’e assesu eskola, han hemu diak transporte estavel no iha teleplfone oin-oin bele asesu ba buat hotu maibe sira la tau importansia ba iha situsaun sira ne’e maibe sira uza oportunidade sira ne’e hodi halakon fali sira nia futuru tan ne’e husu ba joven no estudante sira hotu iha Timor-Leste, uza oportunidade sira halo diak diak ba tanba nasaun ida ne’e nia futuru iha sira nia liman.
Entretantu atividade ida ne’e hetan partisipa husi estudante universitariu, sekundariu, vokasional no pre sekundariu hanesan UNDIL, UNITAL, UNTL, IOB, EBC Sergio Vieira De Melo ICS, UNPAZ, DIT, ESTV- IT, ESG 28 de Novembro no joventude sira no formasaun non formal sira.
Jornalista : Antonio Tilman & juvinal.