Ativista Foinsa’e Remata Nia Peregrinasaun, Sisto Inspira Ona Jovens Kontra Injustisa

SAPNewsTL, Dili: Ativista Direitus Humanos, Justisa no Líder Jerasaun Foun Visionário Sisto dos Santos Hakotu Nia Jornada Iha Mundu, Sidadaun Krítiku, Matenek, Pro-Ativu Iha Kontextu Sosial no Polítika Timor Leste ne’e hakotu Iis iha Ospital Nasional Guido Valadares Dili

Sisto dos Santos Fila Hikas Ba Aman Maromak tanba sofre ho moras Ne’ebe komplexu liliu Kankro Raan, ran sai husi nia nehan, moras iha ulun, muta ran, ikus Mai la Konsege rekupera Ninia Saúde no Iis kotu ohin madrugada, iha Ospital Nasional Dili, 17/03/2023

Sisto dos Santos Jerasaun Foun Ne’ebe Kualidade intelectual, Integridade Liderança, Berani Foti Risku, Krítiku Konstrutivu, Matenek Na’in, Líder Exemplar, Lider Inspirador, Líder Ne’ebe Nakonu Ho Espíritu Solidáriu, Espiritu Fraternidade, Espiritu Voluntarizmu no Civizmu.

Líder Foinsa’e Ne’ebe sai modelu no espellu ba Ativista Joven Sira, Ativista Direitus Humanos, Ativista Defende Justisa, Ativista Ne’ebe Kontra Desigual, Violasaun, Diskriminasaun, Kontra Koluzaun, Nepotismo, Korupsaun, Kontra Partizarizmu, no Primordializmu.

Líder Ne’ebe Sempre Apóia no Motiva juventude Sira, Hamutuk Hó Foinsa’e no inspira Foinsa’e Sira oinsa hateke ba oin kontra injustisa. Líder Ne’ebe defende vulnerável Ka Kbiit laek Sira, líder Ne’ebe sempre defende interese Estadu no Povu Husi interese Grupu Tantu Partidu nian, Líder Ne’ebe lá tauk, lá hakiduk, lá hakfodak no rende hasoru problema no ameasa sira

Líder ne’e lakon ona iha Joven Sira Nia matan, Trizte hafalun Joven ativista Sira, nakukun hafalun família boot Munisipiu Lautém, familia emlutada kesi hena metan ho matan-ween tanba lakon ona aman, maun, alin no tiun dak ida ne’ebe brani foti risku no defende dignidade kbiit laek sira nian

Daudaun ne’e Mate Isin Sisto dos Santos Iha Ona Rezidensia Matebean Nian iha Bebonuk, tuir planu Matebean nia mate isin sei sai husi nia rezidensia iha aban tuku 7:15 ba Igreja Parokia Saun Jose Ai-mutin, hafoin misa sei kontinua ba Kampaun Assosiaun HAK (Matebean nia Knaar fatin) hodi presta homenagem, tuir mai sei lori ba Kampus Fakuldade Siensia Sosiais UNTL (FASPOL-UNTL Kaikoli), Hafoin sei presta homenagem ikus iha Sentru Nasional Chega (CNC Sigla Portuges) molok lori ba rai moris fatin Lospalos

Relembra fali katak, Xisto Dos Santos Nu’udar atual Membru ativu RENETIL, Diretor Ezekutivu Assosiasaun HAK, Mestre Ba Foinsa’e Ativista Sira, Defensor no guardião Ne’ebe aktivu iha Kontextu sosial no Politika Timor Leste hanesan sosiedade sivil, Matebean Sisto dos Santos mate husik hela oan na’in haat feto nain 3  no mane nain 1.

Jornalista: Esmeralda da Silva