Finansia Programa 2, Osan Ba MKI Ho Montante $𝟖,𝟑𝟖𝟒,𝟒𝟔𝟑 Pasa Iha PN

Imajem : MKI Nino Pereira Iha PN, 18/11/2025. Foto : Média G-PM

SAPNewsTL, Dili : Parlamentu Nasionál (PN) aprova $8,384,463 bá Ministériu Komérsiu no Indústria (MKI) hosi Orsamentu Jerál Estadu (OJE) tinan fiskál 2026 ho votus a favór 43, kontra 2 no abstensaun 20 iha debate faze espesialidade.

Totál orsamentu refere fahe bá kategoria Saláriu no Vensimentu $3,559,616, Bens no Servisu Korrentes $4,554,847, Kapitál Menór $60,000 no Kapitál Dezenvolvimentu $210,000. MKI iha programa 2, sub programa 10 no atividade 39.

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.