Flora Moniz Faan Sate Suporta Oan Ba Eskola, Oan Feto Fa’an Haas Hale’u Tasi-Tolu
Imajen Intervista Maria da Silva iha tasi-tolu, 01/12/2022
(SAP News TL) DILI- Vendedora Flora Moniz tunu sate hodi faan iha luron ninin hodi sustenta nesesidade uma laran no selu oan sira nia eskola maski tur iha loron manas no simu rai rahun maibe nia la sente kole ho atividade refere.
“Ha’u ho idade 32, ha’u laiha servisu seluk atu halo hau faan sate hodi hare ba oan sira nia eskola maske loron manas no rai rahun barak maibe ha’u la sente kolen tanba ha’u nu’udar inan, se ha’u la servisu se mak atu servisu fali no sate ne’ebe ha’u tunu hodi faan ne’e menus tebes sosa nain sira karik ema la sosa hotu ha’u sei lori fila fali ba uma hodi han fila fali”, dehan vendedor Flora Moniz ba jornalista Sap News TL iha Tasi tolu Kinta (1/12).
Vendedor ne’e akresenta, moris loron- loron nian nia la hein de’it ba mane mak servisu maibe nu’udar inan tenke servisu hotu, sate ne’ebe nia faan kada loron hetan dolar ruanulu resin lima mai kraik tanba depende ba sosa nain sira no dalaruma ema la sosa entaun nia sente triste tanba osan ne’e sustenta uma laran la to’o ona.
Imajen Intervista Vendedora Flora Moniz
Nia Informa, Alende nia faan sate nia oan feto ho idade tinan 10 sanulu mos ajuda nia faan has haleu Tasi Tolu hodi hetan osan hamutuk faan sate nian sustenta nesesidade loron-loron nian
“Alende faan sate ne’e ha’u oan Maria Da Silva idade tinan sanulu ne’ebe ho idade ki’ik tebes nia sempre la’o haleu Tasi Tolu hodi faan has ajuda ha’u nu’udar inan bainhira iha tempu sai eskola no feriadu atu nune’e ami bele hetan osan oituan hamutuk ho faan sate nian hodi sustenta ami nia moris loron- loron nian”, tenik Flora
Entertantu nia mos rekomeda, husu ba inan no oan sira seluk iha moris loron-loron nian labele baruk no tu’ur de’it iha uma tenke buka moris Liu husi faan sasan iha loron manas nia laran atu nune’e bele sustenta ba familia nia lorloron nian no selu oan Ssira nia eskola, nune’e bele fo garantia ba susesu no felisidade oan sira nia iha futuru, tanba futuru oan sira nian ita la sei hadau ho liafuan, maibe sei hadau ho sakrifisiu, terus no servisu makaas kada loron
Jornalista : Esperanca Soares & Aquelina Mangalhaes
Editor : Ekipa Editorial