Fo Posse Ba Manorin 449 ! ME Husu Servisu Ho Responsabilidade

SAPNewsTL, Dili – Ministériu Edukasauun (ME) fo ona tomada de posse ba professores hamutuk atushaat haatnulu resin sia (449) iha Dalaun Ian Martin INFORDEPE Dili, maske antes ne’e professores 491 mak kategoria klasifikadu.

Diretora Nacional Rekursu Humanos, Ministériu Educação Anita Talvares, haktuir serimónia pose ba manorin na’in 449 sira ne’ebe mak ohin aseitasaun ba pose ne’e nu’udar hakat prinsipal ida hodi realiza objetivu bolsu de dadus iha sistema edukativu.

“Ami mos orgullu, hakarak hato’o katak iha aseitasaun pose de dadus ne’e nu’udar rezultadu entre servisu hamutuk ho ministériu edukasaun ho komisaun funsaun públika, progresu teste eletrónikas de kandidatu primeira faze nian to’o ohin hala’o seremonia, Ministériu Edukasaun, inisia implementasaun programa bolsa de kandidatu iha loron 26 Janeiru 2024 atravez husi despaixu nú. 4/2024 kona ba abertura de konkursu ba bolsa de kandidatu sira atu sai manorin”. Tenik Diretora Nasional Rekursu Humanos, Ministériu Educação Anita Talvares, iha salaun Ian Martin INFORDEPE, 14/05/2024.

Presidente Komisaun Públika (KFP), Agustinho Letencio de Deus dehan, bazeia ba rezultadu teste eletróniku bolsu de kandidatu ne’ebe hala’o husi dia 15 de Marçu to’o dia 16 de Abril 2024 iha edifísiu KFP, teste ne’e hetan 491 kandidatu klasifikadu, maibe manorin 449 mak tuir ona juramentu.

“Teste eletróniku ne’e ami asegura transparante ho kualidade, programa votus de kandidatu primeira faze ne’e ministériu edukasaun determina grupu rekrutamentu ka area ensinu hamutuk sia (9), husi prosesu ne’e hetan rezultadu 491 mak passa iha teste, nain 4 mak resigna an, nain 6 mak la submete dokumentu no nain 1 laiha diploma, entaun hela 480 no nain 449 mak tuir posse “. Nia informa

Agustinho konsidera posse ne’e hanesan hakat prinsipal ida hodi realiza objetivu bolsu kandidatu iha sistema edukativu ida ne’ebe iha kapasidade no responde ba manorin ne’ebe menuz liu husi asegura kontabilidade no ensinu aprendijajem.

Lider KFP ne’e husu manorin sira hodi kumpri servisu hanesan funsionáriu públiku, servisu hatudu prestasaun tanba futuru foinsa’e sira nia kualidade depende ba manorin sira.

“Imi jura tenki kumpri duni servisu nu’udar funsionáriu públiku iha area edukasaun, Ita tenki servisu ho kualidade tanba futuru Timor depende ba ita boot sira, eduka sira sai labarik ne’ebe etika no dixiplina aas depende ba ita boot sira.” Agustinho Letencio de Deus hateten

Ministru Edukasaun Interinu, Domingos Lopes Lemos husu emposadu sira hala’o knar ho responsabilidade liu husi misaun hari’i edukasaun ne’ebe kualidade jerasaun foun sira.

“Imi ohin simu knar foun nu’udar prófessor no professora, hala’o imi nia knar didi’ak, tanba misaun ida ne’e todan maibé ami fiar imi bele, nune’e bele atinji kualidade edukasaun, futuru edukasaun iha ita-boot sira nia liman”.Ministru Edukasaun Interinu, Domingos Lopes Lemos

Professores rekrutadu bolsa kandidatura ne’ebé simu pose hamutuk na’in atus haat haatnulu resin sia (449) koloka ba Munisípiu sanulu resin-tolu kompostu husi Aileu na’in 30, Ainaro 39, Baucau 50, Bobonaro 67, Covalima 13, Dili 23, Ermera 70, Lautem 22, Liquiça 13, Manatuto 29, Manufahi 21, Raeoa 31, Viqueque 40.

Entretantu, antes ne’e aplikante sira ne’ebe konkore ba vaga ne’e mai husi 13 Munisipiu inklui Rejiaun Administrativa Espesial Oecusse Ambeno (RAEOA) por volta de rihun sanulu resin.

Jornalista : Genoveva Lopes Sarmento