FWNTL Realiza Kongresu Ba Dala III, Wushu Sei Lori Nabilan Ba Sosiedade TL

SAPNewsTL, DILI : Federasaun Wushu Nasional Timor Leste (FWNTL) realiza Kogresu Nasionál ba dala III Periodu 2022-2026, hili no nomeia estrutura foun inklui tomada de pose ba estrutura eleitu,  kongresu ne’e ho tema Reforca no Hametin Organizasaun hodi lori prosperu, unidu no lori Wushu ba kompetisaun internasional.

“Kongresu ida ne’e hodi hili no nomea estrutura foun, exerse funsaun foun ne’ebe diak liu hodi lori federasaun ba futuru, Federasaun tenki la’o bazeia ba lei desportu no dekretu lei, Federasaun ida ne’e nia asosiasaun hamutuk nain sanulo resin ida (11) iha teritóriu nasionál no sei lori nabilan ba Timor Leste”. Tenik Presidente Konfederasaun do Desportu de Timor Leste (CDTL), Macario Floriano Sanches iha Federasaun Hanai Malu, Bairo-Pite Segunda (08/08/2022).

Presidente Ferderasaun ne‘e hateten Joven feto ka mane potensia sira bele tama iha Federasaun, atu lori Federasaun ne’ebe diak liu atu lori Timor Leste nia naran iha nivel rejional 

“Ita boot sira fila ba ita boot sira nia fatin desemina ba eskola no fatin hotu-hotu, atrai joven sira atu bele pertense ba Federasaun, ita boot sira nia club iha asosiasaun atu evita joven sira, estudante sira no joven luron sira ne’ebe iha talentu maibe ita abandona deit maibe lori sira mai iha kampu atu bele exerse sira nia talentu”. Nia hatete

Nia akresenta joven sira presiza kriativu, inovativu, federasaun ne’e labele hein deit, tenki atrai ema no fo ezemplu ba ema hotu iha sosiedade

“Ita presiza joven sira Kriativu, inovativu, Ita nia membru la bele hein deit tenki atrai ema seluk no sai ezemplar ba joven sira hotu, ha’u fiar katak ita boot sira nia membru sira iha munisipiu iha asosiasaun sanulu resin-ida (11),  ne’e hein hela ita boot sira, ha’u rona katak presidente eleitu hateten katak so hamutuk deit ita boot sira hamutuk bele lori  Federasaun ne’e ba oin ho diak”. Dehan nia

Enkuantu, nia mos apresia no kongratura ba FWNTL no husu atu bele prense rekejitu sira diploma ministerial no mos lei ba desportu nian, nune’e bele hetan futuru Federasaun ida ne’e bele hetan konfiansa husi governu.

Jornalista     : Esmeralda da silva &  Maria De Jesus Daci- Mau

Editor           : Luis Pailofo