Hafoin Servisu Iha Austrália ! Marino Loke Kafetaria Atsabe
SAPNewsTL,Dili : Hafoin halo Lansamentu kafetaria ho naran Kafe Atsabe (MDA COSTALV UNIPESSOAL LDA), Marino da Costa hato’o obrigado ba kafe Lete-foho ne’ebé fo oportunidade ba nia hodi bele hahu nia kareira servisu iha ne’eba, to’o ohin loron bele hari’i rasik nia kafe hanesan agora.
“Ha’u muda mai iha ne’e iha 2008, estudu sekundariu hela duni iha mota laran momentu ne’eba, Ha’u eskola iha São Pedro, pinheira rai henek iha mota laran ne’eba durante tinan rua (2).”Dehan Marino da Costa ba Jornalista SAPNews iha Fomentu II, Dili Sabadu,25/11/2023
Nia haktuir, hafoin remata estudu iha ensinu sekundariu,nia kontinua aprende Lingua ingles iha sols (Selu Osan La Saugati).
“Ha’u servisu iha kafe Lete-foho hanesan marista,no sai professor ne’ebé koalia kona ba espesifiku kafetaria iha Timor-Leste, ha’u hetan mos oportunidade seluk ne’ebé aprende ba kafe nian,iha Indonesia,Japaun entaun ha’u aprende uitoan kona-ba oinsa mak merkadu kafe nian atu la’o”. Nia Dehan.
Iha tinan 2016 asosiasaun kafe hari’i, Marino da Costa hola parte mos hodi apoia makaas assosiasaun refere.
“Iha tinan 2016, Ha’u mos involve aan hanesan organizador ne’ebé fo apoiu makas husi maun David, suporta mos husi familia entaun sempre iha ideia ne’ebe motiva bele iha lian oioin hodi bele kona ba setor kafe nian”.Nia haktuir
Entretantu,Iha 2016 Nia iha planu maibe seidauk iha fontes ka apoiu ruma, tan ne’e la konsege hari’i maibe to’o ohin loron nia konsege hari’i kafetaria.
“Ha’u hetan oportunidade ba servisu iha Australia ne’eba fulan rua (2) fila mai foin ha’u konsege hari’i kafe Atsabe ne’e, kafe atsabe moris iha tinan 2017, iha 2018 komesa kontribui ona kafe ba loja sira, no faan ba kolega sira no mos ba loja pateo inklui loja sira seluk ne’ebe iha kapital Dili” Nia sublinha.
Enkuantu, Fafetaria Atasabe ne’e agora daudaun loke ona publiku, Kafetaria refere lokaliza iha Area Fomentu II, Postu Administrativu Dom Aleixo Munisipiu Dili.
Jornalista : John Marito