Hahú Rekupera ! Papa Francisco : “Obrigadu Ba Imi Hotu”.

SAPNewsTL : Liu tiha semana lima no loron 38 iha ospitál, ikus mai Francisco bele kumprimenta fali sarani sira tanba hahú rekupera ona hosi ninia moras.

“Obrigado Ba Imi Hotu!”

Ne’e mak Amu-Papa nia liafuan sira bainhira kumprimenta sarani sira, Romanu sira no turista sira ne’ebé bá Ospitál Gemelli hodi haree Pontífise hafoin loron 38 iha ospitál.

Iha ema lubun boot nia leet, Francisco rekoñese señora ida naran Carmela ne’ebé kada loron-kuarta partisipa iha Audiénsia Jerál hodi fó ba nia ai-funan roza lubun ida.

“Ha’u haree señora ne’e ho ai-funan mean sira. Nia ema di’ak ida”, hatete hosi Papa hosi andár 5.º Ospitál nian, iha ne’ebé nia tama iha ospitál, hodi bele hakbesik ho loloos hanesan Papa husu. Vatikanu, 23/03/2025

Amu-Papa iha Santa Maria Maggiore, hateten, “Ha’u esperiénsia ona pasiénsia Na’i nian” Enkuantu sarani sira hateke hela ba Santu Padre ho emosaun.

Gabinete Imprensa Santa Sé nian fó sai testu ne’ebé prepara ba Angelus:

“Maun-alin doben sira, Domingu ksolok”.

“Ai-knanoik ne’ebé ita hetan iha ohin ko’alia ba ita kona-ba ita-nia pasiénsia, Maromak tempu ida konversaun nian Jezús uza imajen ai-figeira ida ne’ebé la fó fuan, maski nune’e, to’os-na’in lakohi tesi: nia fó adubu dala ida tan atu haree ‘Tinan mai nia sei fo fuan karik, diak, lae karik mak ha’u sei tesi tiha nia iha futuru’ (Lc 13,9)”.

Tuir mai Amu-Papa refere ba ninia saúde !

“Iha períodu naruk rekuperasaun nian ida-ne’e, ha’u iha oportunidade atu esperimenta Na’i nia pasiénsia, ne’ebé ha’u haree reflete mós iha médiku no profisionál saúde sira-nia dedikasaun inkansável, nune’e mós iha kuidadu no esperansa parente sira moras nia situasaun.”

Papa Ko’alia Atu Kilat Labele Tarutu !

Parte boot hosi testu Angelus nian, maski nune’e, espresa preokupasaun pontífise nian ho mundu, espesialmente ho situasaun iha Médiu Oriente:

“Hanesan triste ho bombardeamentu maka’as israelita nian iha Gaza hodi rezulta ema barak mate. Husi Gaza, situasaun umanitáriu maka grave tebes no eziji kompromisu urjente hosi parte sira funu-na’in nian no Komunidade Internasionál”.

“Ha’u kontente tanba iha ona akordu ne’ebe Arménia no Arbazer konkorda ona kona-ba damen, espera katak neebe assina ne’e bele estabele paz ne’ebe dura iha Sul do Cáucaso”.

“Testu definitivu akordu dame nian ha’u mós reza ba ita-boot sira, hamutuk ita husu ba funu sira no dame nia rohan, liuliu iha Ukránia, Palestina, Israel, Líbanu, Myanmar, Sudaun no Repúblika Demokrátika Kongo”.

“Atu Virjen Maria proteje ita no kontinua akompaña ita iha dalan ba Páskua.”

Tuir informasaun mak SAP News asesu antes ne’e husi Vatican News haktuir katak Papa Francisco hahú diak ona, nune’e sei alta iha tempu badak maibe seidauk iha data definitivu.

“Tempu lolos atu alta iha ospitál seidauk define”. Sita Vatican news iha loron 22/03/2025

Tuir doutór Sergio Alfieri, iha momentu admisaun, Santu Padre iha insufisiénsia respiratória aguda tanba infesaun polimikrobiál, kauza hosi vírus, baktéria no fungi.

Kondisaun ida-ne’e rezulta iha pneumonia bilaterál ne’ebé maka’as, ne’ebé maka presiza tratamentu farmakolójiku espesífiku. Hafoin kuadru klíniku ne’ebé kompleksu, iha semana rua ikus ne’e, Amu-Papa nia kondisaun estavel nafatin.

Médiku sira rekomenda atu kontinua tratamentu farmakolójiku, aleinde períodu deskansa no konvalesénsia pelumenus fulan rua.

Tuir ekipa médiku, ne’e hanesan alta “protejidu”, ne’ebé signifika katak rekuperasaun sei presiza fisioterapia respiratóriu no motor, aleinde apoiu oksijéniu loroloron no monitorizasaun médiku kontinua.

“Papa hatudu kolaborasaun durante tratamentu tomak, se evolusaun pozitivu kontinua, nia sei bele hahú fali ninia atividade sira iha tempu badak”, tenik profesór Alfieri.

Papa Francisco iha varanda Ospitál Gemelli nian iha Domingu ne’e (23/03) sai hodi kumprimenta no haraik bensaun ba sarani sira.

Jornalista : Marciana da Conceição