Halo Tinan 72 ! Luis Hakerek Livru “Familia Sai Mahon Ba Guirileiru Iha Luta”
Imajem : Eskritor Luis Antonio Salsinha iha salaun Xanana Reading Room, Sabadu, (16/12/2024)
SAPNewsTL, Díli — United Nations Population Fundu (UNFPA, sigla Inglés) no Sala leitura Xanana Gusmão (SLXG) Reading Room ofisiaimente lansa ona livru autobiografia ho nia títulu, “Familia Sai Mahon ba Guirileiru Iha Luta” ne’ebe hakerek husi Luis Antonio Salsinha Ay-Ramu no Aramnda de Araujo Arranhado, Halima, kona-ba Abrigu Kay Rala Xanana Gusmão, Nunutali-Horta, Ermera.
Eskritor Luis Antonio Salsinha hateten, livru ho nia títulu Familia Sai Mahon ba Guirileiru Iha Luta, hakerek la sura ho serbisu ne’ebe mak antes ne’e autor sira hala’o, maibé livru ne’e hakerek bazeia apontamentu ne’ebe durante ne’e deskreve nanis ona, tuir akontesimentu sira iha pasadu.
“Livru ne’e hakerek konta historia familia ninian maibé ami la kait, ami sita deit ligasaun ho ida ne’e, lakonta sira nia servisu ne’ebe mak durante ne’e hala’o, bazeia ba apontamentu ne’ebe autor sira husik hela,” informa, eskritor Luis Antonio Salsinha, ba Jornalista iha salaun Xanana Reading Room, Sabadu, (16/12/2024)
Tuir nia, bainhira kria inisiativa hakerek livru istoriku ne’e, difikuldade ne’ebe nia parte enfrenta mak buka tuir istoria ne’ebe reflete ba apontamentu ligadu ho akontesementu sira ne’ebe autor sira hasoru, liu husi misturasaun ideia husi familia sira.
“Difikuldade ne’e hasoru barak tanba ha’u 72 anos ne’ebe ha’u iha difikuldades, oan sira sempre ajuda barak ida ne’e, ha’u relembra fila fali sira sempe besik mai ha’u, saida mak presisa ne’e mak konsege halo apontamentu sira ne’e to’o sai livru ida”. Nia dehan
Nia hatutan, livru ne’e pajina atus resin, familia sai mahon ba jeneru ne’e sempre sai familia atu hetan misturasaun, apoiu, koñesimentu ne’e husi familia ne’e mak sempre iha fatin-fatin jeneru sira buka familia atu bele hetan esperiensia, koñesimentu informasaun sira ne’e hotu tanba ne’e mak tau nia titulu familia sai mahon ba jeneru sira.
“Halo apontamentu iha 2010 komesa hanoin ona buat balun tanba labarik sira ezizi buat sira imi halo ne’e agora halo nusa, komesa la’o hanoin dalaruma buka fatin ne’ebe ami liu halo apontamentu tanba ha’u nia bazea ba data liturjiku akontesimentu leitura sira por ezemplu natal, paskua sira ne’e data husi ne’e mak hodi kee akontesimentu sira ne’ebe iha rua (2), akontesimentu ne’ebe la justu ne’e iha”. Nia sublinha
Imajem : Gestor Abreu Novelino Salsinha
Iha oportunidade hanesan, Gestor Abreu Novelino Salsinha realsa, autobiografia ne’e hakerek ho nia durasaun tempu barak, eskritor sira verifika fila fali palavra no dadus sira refleta ba akontesimentu ka lae, nune’e, tempu naruk mak autor sira konsege determina hakerek, no ohin hala’o ona serimónia lansamentu.
“Hakerek kona ba autobiografia depois ami hakerek ne’e iha 2002-2024, dala ruma ami sei haree didiak fali los ka lae, depois ami presija nia tempu ne’e livre, ami husik tiha ho dadus sira ne’ebe mak nia fó ami akumula, hafoin halo revizaun. Tanba ne’e mak linguajen sira ne’ebe mak hakerek iha livru laran ne’e liafuan ne’ebe mak uluk resenser”. Nia informa
Entretantu, lansamentu livru ho nia títulu Familia Sai Mahon ba Guirileiru Iha Luta, ne’e foku liu ba atividade no akontesimentu sira ne’ebe Kay Rala Xanana Gusmão hala’o iha periodu luta nia laran.
Jornalista : Dircia Baptista Belo