Hametin Unidade, HWPL Kria Jogu Amizade Ba Joven Sira
![](https://sapnewstl.com/wp-content/uploads/2024/07/IMG-20240718-WA00842.jpg)
Imajem : Jogu Amizade Entre Joven Sira iha Kampu Futsal Ministériu Juventude Deportu Arte no Kultura Lesidere, Dili, 13/07/2024. Foto : Dircia Baptista Belo
SAPNewsTL, Dìli – Hametin amizade, solidariedade no unidade entre joven sira, Heavenly Culture Word Peace Restoration of Linght(HWPL sigla Ingles), kria jogu futsal amizade ne’ebe partisipa husi equipa ualu(8).
Delegasaun organizasaun internasional HWPL Jennifer Choi hateten katak objetivu husi jogu Futsal amizade nian mak atu hametin amizade entre joven sira no mós atu promove kompriensaun, solidariedade no unidade liu husi kompetisaun ne’ebe saudavel.
“Totál ekipa jogu amizade hamutuk walu (8), kompostu husi ekipa mane no ekipa feto. ekipa mane husi ekipa Universidade Nacional Timor-Lorosa’e(sigla, UNTL), Universidade Dili(sigla, UNDIL), Internacional Peace Young Group(sigla englis, IPYG)no VIP TV, ekipa feto kompostu husi UNTL, UNDIL, VIP TV no AC Mamura,” informa Delegasaun organizasaun internasional HWPL Jennifer Choi dehan ba Jornalista SAPNewsTL iha kampu futsal Ministerio Juventude Desporto Arte e Cultura, Sabadu (11/07/2024).
Delegasaun organizasaun internasional HWPL ne’e infoma katak husi jogu amizade ne’e bele kontinua hodi sai hanesan símbolu unidade no dame iha komunidade laran.
“Ami hakarak atu eventu ne’e fó inspirasaun ba joven sira hodi hatudu katak liuhusi atividade voluntáriu no esforsu kolaborativu sira, bele hetan mudansa pozitivu signifikativu”.nia salienta
Nia dehan, HWPL ko’alia liu kona-ba papél krítiku ida-idak nian hodi hari’i pás no unidade tanba ne’e husi jogu amizade enkoraja ema hotu atu envolve iha atividade sira ne’ebé promove dame.
Jenifer Choi konsidera jogu amizade ne’e hatudu impaktu pozitivu ba komunidade sira tanba unidade hanesan forsa boot ida hodi futuru ida-ne’ebé naroman liu no iha armonia ba ema hotu iha futuru.
Jogu amizade ne’ebe realiza husi HWPL hamutuk ekika ualu(8), ne’e realiza iha kampu futsal Ministériu Juventude Desporto Arte e Cultura iha lesidere Dili.
Jornalista : Conzita Mota & Dircia Belo