Hamrik Ho Lema Hasai, Hadia, Hamosu No Kontinua, PDC Apoia Greater Sunrise Mai Timor
Imajem : Presidente PDC Francisco de Araujo ho Estrutura iha Kampanha, Zumalai. 23/04/2023
SAPNewsTL, Covalima : Partidu Demokrata Cristaun (PDC) realiza mini kampanha iha Postu Administrativu Zumalai Munisipiu Covalima hodi apresenta programa PDC ba populasaun sira, Presidente PDC Francisco de Araujo haktuir dalan ba kria kampu servisu maka dada kadoras mai Timor Leste, PDC apoia Politika dada kadoras mai Timor Leste, nune’e bele kontribu reseitas ba estadu hodi dudu desenvolvimentu ba oin
“Apoia tebes ba programa politika atu dada kadoras Greater Sunrise mai Timor Leste, nune’e ita bele loke kampu servisu ba Timor oan sira tanba kada tinan ita nia joven barak mak ba servisu iha rai liur no dezempregu kontinua aumenta iha ita nia rain,”Dehan Prezidenti PDC Francisco de Araujo ba jornalista sira iha Postu Administrativu Zumalai, domingu 24/04/2023
Lider Jerasaun foun ne’e mos fundametan, PDC sei defende no kontinua obra ne’ebe mak governu anterior hala’o tiha ona liliu infraestrutura sira no mega projetu sira
“PDC hakarak kontinua obra sira governasaun anterior nian liliu desenvolve infraestrutura nian hanesan estrada sira, Hasa’e mos produsaun hodi hadia kresimentu ekonomia ba ita nia povu no kria kampu servisu ba Timor oan sira, programa htou tenki benefisia povu no garante moris diak ba povu”. nia hatete
Imajem Militante PDC hamutuk ho Estrutura Nasional
Partidu Demokrata Kristaun mos mai ho lema Hasai, Hadia, Hamosu no Kontinua (H3K), hasai katak hasai buat ne’ebe ladiak, hadia buat ne’ebe la loos, hamosu buat ne’ebe foun ho vizaun foun ba povu nia moris diak no kontinua obra governasaun sira anterior ne’ebe lori benefisiu ba povu
Entertantu, iha mini kampanha ne’e mos hetan partisipasaun masimu husi militante sira iha Munisipiu Cowalima, Postu Administrativu Zumalai Suku Taz-Hilin, portantu PDC sei kontinua iha Munisipiu Covalima Villa hodi hala’o dor to dor iha loron 24 Abril 2023.
Jornalista : Lidia Amaral