Hari’i Sede Arte Marsial, Dalan Ba Paz No Reduz Konflitu Iha Timor Leste
Imajem : Xefe Suku Kaikoli Hipolito Martins Sarmento, iha Kaikoli, Dili, (18/04)
SAPNewsTL, Dili :Relasiona ho Politika Sekretaria Estadu Juventude no Desportu (SEJD) ne’ebe liu husi Komisaun Reguladora Artes Marsiais (KRAM) fo apoia orsamentu 2.5 milhoens ba organizasaun Artes marsial sira, Xefe Suku Kaikoli Hipolito Martins Sarmento apresia SEJD tanba bele apoia organizasaun sira hodi halo sira nia sede, nune’e estadu bele halo kontrolu maksimu Arte marsial sira hodi la halo konflitu iha fati-fatin
“Hakarak atu kontrola sira ho fasil ne’e mak estadu hodi aprova orsamentu 2.5 milhoes atu hari sede ba sira hodi evita konflitu iha rai laran, fasil ba ita hodi bele halo mudansa ba sociedade no kontrola grupu Arte marsiais hirak ne’e”. Dehan Xefe Suku Hipolito Martins Sarmento ba SAPNewsTL iha Kaikoli, Dili, (18/04)
Tuir Hipolitu, hari’i sede atu kontrola poblema entre grupu A ka grupu B hodi bele identifika membru ida ne’ebe mak iha konfrontu refere iha parte seluk mos hodi haree kona-ba ninia volume kada grupu ida-idak
“Ha’u sei duvida uitoan kona ba Arte Rituais, tanba Artemarsiais mak estadu kria ona sede kada organizasaun idak idak no oinsa ho arte rituais hanesan 77 ho 55 tenki halo balansu atu nune’e labele mosu desentendimentu entre grupo rua ne’e”.(haktuir nia)
Iha sorin seluk, Direktor Forum Organizasaun Non Governamental Timor Leste (FONGTIL) Valemtim Da Costa konsidera Governu apoiu orsamentu uitoan ba KRAM organizasaun grupu Artemarsiais hodi hari’i sira nia sede ne’e importamte hodi kontribui ba paz no estabilidade
“Hari’i sira nia sede arte marsial ne’e importante hodi kontribui ba paz no estabilidade inklui bele reduz konflitu entre arte marsial sira iha futuru, maibe estadu Presiza orsamentu ne’ebe sufisiente hodi melhora ou eleva ita nia sektor prioridade sira hanesan edukasaun , Agrikultura, infrastruktura no saude tanba ita nia sektor barak mak sei iha poblema nia laran” (tenik Valentim)
Entretantu, fundu dezenvolvimentu governu apoiu ba organizasaun arte marsial 17 durante tinan haat mak federasaun boxing hetan 143, 700 USD, federasaun muay-Thai simu 111, 300 USD, federasaun taekwondo simu 134,600 USD, federasaun karate-Do simu 134, 000 USD, federasaun shorinji kempo hetan 96, 900 USD, Aikido simu 90,500 USD, federasaun wushu simu 96,800 USD, federasaun judo 79,300 USD, IKS PTL simu 335, 467 USD, PSHT hetan 335, 467 USD, KORK simu 335, 4,67 USD, Seruling Dewata simu 87, 700 USD, Perisai Diri simu 87,300 USD, Padjadjaran simu 94,100 USD, THS-THM Gerbawasik 90,900 USD, Sinar Putih simu 88,400 USD, Federasaun Silat Timor-Leste simu 169, 100 USD.
Jornalista : Vinsensius saldanha Morais de Araujo