TLCP Realiza Formasaun Ba Joven Nain-50
Imajen: Formador TLCP Hamutuk Formandu Sira Iha edifisiu CNC Balide, Sabadu (15/04/2023).
SAPNewsTL, DILI: Timor-Leste Catalyst Program (TLCP) realiza formasaun ho nia tema kareira workshop coaching ba joven nain 50 hodi tuir formasaun durante loron rua hodi kapasita sira nia konesementu iha area empregu nian.
“Programa ne’ebe TLCP oferese ba joven sira mak hanesan oinsa bele asesu bolsa estudu, oinsa hakerek curiculum vitae (CV) ho diak no oinsa mak joven sira bele kompete iha area empregu liu husi programa ne’e hodi kapasita joven sira oinsa bele kompete iha kampu de traballu, tanba ne’e mak TLCP realiza workshop joven 50 hodi tuir formasaun durante loron rua,” dehan kordenador Quintão de Oliveira iha Centro Nasional Chega (CNC) Balide, Dili sabadu (15/04/2023)
Koordenador ne’e hatutan, programa ne’e hetan fundu husi governu Australia komesa kedas husi 2000, husi 2000 ne’e sira hetan purvolta Timor oan nain-357 ne’ebe hetan graduadu hanesan lisensiatura, mestradu no doutaramentu, douramentu ne’e iha ema nain-15, objetivu husi programa ne’e mak atu ajuda joven graduada/o sira atu envolve an iha karreira empregu ne’e oinsa, tan ne’e sira husu joven sira mak agora daudaun envolve an iha programa ne’e aproveita didiak oprtunidade ne’e.
Nia Informa, programa ne’e iha buat barak mak sei joven sira aprende hanesan oinsa hakerek curiculu vitae (CV) ne’ebe diak bele kompete iha bolsu estudu, tanba iha loron rua ne’e aprende buat barak ho nune’e presiza espiritu no vontade ne’ebe diak hodi aprende.
Iha fatin hanesan membru TLCP Marcia Silva informa, sira orgullu tanba ema barak hakarak tuir programa ne’e maibe iha parte balun sira sente triste tanba simu ema limitadu.
“Ami orgullu tebes bainhira hahu loke programa ne’e loron ida ami bele simu ema ne’ebe registu hamutuk 5000 maibe parte balun mos sente triste oituan, tanba ami rekolla ema nain 50 deit mak liu iha programa ne’e hodi tuir workshop durante loron rua hahu husi sexta too sabadu”, tenik Marcia
Iha sorin seluk formandu Simão Martins dehan, nia partisipasaun iha formasaun durante loron rua bele hetan kuñesimentu found no aumenta abilidade oinsa hatene kareira professional iha servisu
“Hau nia participasaun iha workshop durante loron rua ne’e hau senti katak hau bele hetan kuñesementu foun no aumenta hau nia abilidade oinsa hau bele hatene konaba karreira profesional iha servisu”, Simão hateten
Reportajen: Antonio Tilman