Hetan Ona Mate-Isin Domingos Iha Tasi-Laran ! Coli : Prosesa Fulan 1, Hafoin To’o Dili
Imajem : Matebian Domingos da Costa Nunes iha Corea Sul, 13/10/2025.
SAPNewsTL, Corea Sul : Autoridade seguransa Corea Sul hetan ona isin mate trabalhador timoroan ho naran Domingos da Costa Nunes, ne’ebe mout iha tasi area Gyadu parte Corea Sul, durante loron tolu (3)
๐๐ฎ๐ข๐ฅ๐ก๐๐ซ๐ฆ๐ข๐ง๐จ ๐๐๐ฆ๐จ๐ฌ ๐๐ ๐๐ซ๐ฎ๐ณ – ๐๐๐๐๐๐ฐ๐ฌ๐๐
Tuir Asistente Adido iha Corea Sul, Josรฉ Sebastiรฃo Coli haktuir katak, ekipa konjunta indentifika matebian Domingos nia isin mate iha tuku 6:50 oras Corea Sul, hafoin autoridade seguransa halo buska durante loron tolu
“Ohin dader ha’u hetan telefone hosi patraun, polisia ne’ebe buka no traballador timoroan sira katak hetan ona mate isin Domingos da Costa Nunes iha tuku 6:50, nune’e ekipa sei lori ba mortuรกriu hodi prosesa, molok lori ba Timor-Leste”.Informa Asistente Adido iha Corea Sul, Josรฉ Sebastiรฃo Coli ba SAPNews liu hosi via whatsappihaCoreaSul, (13/10/2025)
Josรฉ Coli hatutan, prosesu normal sei la’o fulan ida, agora hetan ona entaun estadu rai rua sei prosesa, hafoin sei lori ba Timor-Leste.
“Agora hetan ona, ita hein prosesa hosi estadu rua nian tanba prosesu normal lori fulan ida, ha’u mรณs kontaktu ona famรญlia katak agradese tanba ita hetan ona, ita ho fuan boot hein deit, depois sei lori nia isin mate ba Timor-Leste”. Nia sublinha
Antes ne’e Assistente Adido ne’e hateten, “Tuir informasaun ema ida ne’ebe mout ho nia, ita bele dehan katak sei bele salva, sira na’in tolu servisu hamutuk, tali ida ne’ebe sira kaer hodi hatun ba tasi laran, tasi nia forsa makaas uituan, ne’e mak hakaas sira na’in rua, alin mane ne’e iha kotuk, hakfodak sira rua monu tun ona ba tasi laran”.
“Alin mane ne’e mak hakilar makaas fali, hafoin sira ne’ebe iha ne’eba ne’e ho ro halai ba, foti uluk koreanu ne’e mai latan tiha iha ro laran, sira buka meius ba tasi laran no balun kontaktu ba ami”.
Asistente Adidu ne’e dehan, “Horikalan, ha’u kontaktu ninia famรญlia, ninia maun rasik ha’u fo hatene ona katak ami ho polรญsia buka tuir maibe seidauk hetan, ita sunu lilin hodi reza, ita haree mรณs ita-nia kuktura, ita la’o rai, ita-nia distinu ita la espera no la hatene mate iha ne’ebe no oinsa”.
Coli sublinha, “Ninia maun rasik ko’alia katak famรญlia nafatin fo fiar ba estadu hodi buka tuir, sira triste tebes tanba lakon maibe nafatin iha konfiansa no hein resultadu hosi adidu”.
Traballador timoroan Domingos da Costa Nunes hahรบ servisu iha Corea Sul, iha loron 23 fulan Outubro tinan 2023, trabalhador ne’e mout ba tasi iha loron 10 Outubru tinan 2025.
Tuir informasaun neโebe SAP News asesu katak trabalhador timoroan neโe mout hamutuk ho sidadaun koreanu ida, enkuantu koreanu neโe hetan ona, ohin loron 13 Outubro 2025 mak ekipa konjunta hetan mate isin Domingos da Costa Nunes iha tasi laran.
Trabalhador Domingos da Costa Nunes orijinalidade hosi postu administrativu Same, munisipiu Manufahi.