Igreja La’os Ema Nia Obra ! Pe. Mouzinho : Kuidadu Família sira, Keta Monu Ba Hahalok Demóniu
![](https://sapnewstl.com/wp-content/uploads/2024/07/17217758524472.jpg)
Imajem : Padre Mouzinho Pereira Lopes
SAPNewsTL, Dili – Padre Mouzinho Pereira Lopes fo resposta ba krítika sira ne’ebe sidadaun balu halo hasoru fiar kreda katólika liliu ema Komunista, Abortista, Protestatizadu, Pro LGBT, Anti Igreja, Seitas Arogantes, Grupu ne’ebe sente an marjinalizadu no povu Maromak nian.
Wainhira haré ba situação atual Santa Kreda, hetan assalto hosi ninia inimigo sira, hetan traição hosi ninia líder di’ak sira, no ninia fiar-na’in lubuk abandona tiha nia, ema lubuk nia primeira reação katak la iha ona solução, instituição Igreja monu daudaun ona.
“Hanoin nune’e la sala ida quando Igreja ne’e ita hanoin nu’u instituição ida puramente humana, maibé wainhira hateke ba ninia Fundador, Jesus Kristu, wainhira sente no hatene Igreja nia história tinan rihun rua resin, hatene katak nia sofre ataque be sura labele, crise boboot sira be nia liu, infidelidade hosi ninia membro sira be sura labele inclui amu Papa balun, cardeal balun no bispo sira lubuk, maibé nia moris no buras iha fatin hotu iha mundo ne’e”. Hakerek Padre Mouzinho Pereira Lopes iha Dili, 22/07/2024
Padre Mouzinho Pereira konsidera Igreja la’os obra humanidade nian maibe, sim obra Maromak nian, nune’e Igreja sei la nakdoko.
“Ita foin compreende katak Igreja ne’e laos ita ema nian, laos puramente ita ema nia obra, maibé Maromak nian Igreja ne’e instituição ida hosi ita ema karik, se ita hatene ona katak hasouru (contra) ema sira ho sira nia erros sira, contra sira nia infidelidade no traições hotu durante história naruk, Igreja ne’e monu-rahun kleur tiha ona.”
Ba ema hotu nebé koko harahun Igreja, inclui grandes reis, chefes de estados, imperadores, heresias, religosos, filósofos, sociedades secretas, clandestinidade, no seluk tan, história humana iha termo di’ak ida ba sira: “They all failed miserably and are buried in the trash bin of history”.
Ema barak liu mak iha dificuldade hodi haré fali história no reconhece Igreja nia inúmeras vitórias contra inimigo no hahalok aat sira, inclui sira be iha hela Igreja laran, maibé sira atu haksumik lia-loos la hetan, la consegue no sei la acontece.
Biar iha crise boot liu no kle’an, to’o halo Igreja nakdoko (hanesan ita nia tempo ohin) hodi fo kesan katak Ro São Pedro ne’e mout ona, Santa Kreda sei sai ho vitória no purificada, tamba Maromak, (nu’u confirma beibeik iha ninia Futar-liafuan), nunca abandona no sei la abandona ninia Kreda.
Maromak husik ‘momentos tribulados, tormentados hodi ita hasoru beibeik atu ita iha consciência kona-ba ita nia ‘limitações e misérias’, no hatene katak la ho ninia Kbiit, la ho ninia Graça, ita labele buat ida no la iha kbiit uitoan mos atu halo buat ida di’ak no kmo’ok iha mundo ne’e.
Rahun-di’ak ba sira be metin nafatin iha fidelidade ba Kristu ho ninia Santa Igreja iha tempo difícil oioin. Atu oinsa ba, Kristu horik nafatin nu’udar Maromak nebé la hakarak buat aat iha ita ema. Privilégio no honra ba ema hotu nebé luta hamutuk Cristo hodi defende ninia Kreda Santa, tamba iha Nia no hamutuk ho Nia mak ita bele manán hasouru aat hotu-hotu.
Na’i Lulik ne’e husu ba ema hotu atu hatene kuidadu no proteje família sira husi hahalok aat no hahalok demónia nian.
“Kuidadu ita nia famílias, protege no hanorin didi’ak ita nia oan sira atu la monu no la tuir buat aat, hahalok demónio be moris, arrogan no hanoin katak sira manán ona mundo ne’e. Buat hotu sei sohi iha ninia tempo”.Nia hameno
Jornalista : Marcela Mery da Costa