Jubileu Esperansa ! 23 Agostu, Kruz Joven & Ilas Na’in Feto To’o TL
Imagem : Konferensia Imprensa hosi Comissão Nacional Juventude Católica Timor-Leste (CNJCTL) iha Díli, 30/06/2025
SAP News – TV, Dili : Conferência Episcopal Timorense (CET) liu husi Comissão Nacional Juventude Católica Timor-Leste (CNJCTL) anunsia no lansa ekipa Sinodal Programa ajustamentu ba eventu vizita Krus Joven Internasional no illas Na’in Feto ne ‘ebe sei vizita Timor-Leste.
Ermelinda Soares – SAP News TL
Portavos Pe. Francisco Indra do Nascimento Tey Seran hatete CNJCTL maka orgaun ofisial ida husi conferência episcopal Timorense (CET) ne’ebe hakna’ar nu’udar responsável ba asunto pastoral foinsa’e katólika nian iha kreda Timor.
“Tinan 2025 hanesan tinan Jubileu ordináriu ida no maktoban Santo Padre Francisco foti hanesan tinan Jubileu esperança, “Spes Non Confundit” ka esperansa la bosok, tinan graça ba kreda Timor, foinsa’e katolika sira ne’ebe hetan visita husi kruz joven internacional ka Icon kruz jornada mundial juventude nian, ho tema ‘aten barani ba, ha’u manan ona Mundu (Jo.16.33)’.” Dehan Pe.Francisco Indra ba jornalista sira iha Salaun Arquidiocese Dili, 30/06/2025.
CET fo konfiansa ba CNJCTL hodi sai nu’udar responsavel máximu ba visita kruz joven internacional iha kreda Timor, CNJCTL forma ona ekipa trabalhu ne’ebe hanaran ekipa Sinodal, envolve foinsa’e sira husi komisaun diocesana, movimento juvenil katólika no universitáriu sira hodi bele halo preparasaun ba evento refere”,Teni nia.
CNJCTL liu husi ekipa Sinodal hakarak informa ba públiku katak vizita kruz Joven Internacional, estadia iha Creda Timor durante semana ida hosi loron 23 to’o 30 Agostu tinan 2025.
Iha loron 23 de Agostu simu kruz Joven Internacional iha kreda Timor, Vigilia Se Catedral no espozisaun promosaun Vocacional. Iha loron 24 Agostu Missa hamutuk ho sarani sira iha Se Catedral kontinua vigilia iha kalan expozisaun promosaun vocavional.
Iha loron 25 Agostu, pregrinasaun Diocese Maliana hamutuk ho peregrinos Diocese Baucau no Arquidiocese Dili missa hamutuk ho sarani Diocese Maliana iha pro katedral Maliana Vigilia husi Sarani sira.
Iha loron 26 Agostu, Peregrinasaun kruz internasional ba parokia Bobonaro
missa abertura Jornada Nacional Juventude (JNJ), iha loron 27 Agostu, palestra ho tema “Ha’u Hamrok” no partilha Cruz Joven Internasional husi Korea Sul.
Iha 28 de Agostu, asaun karidade ba sarani Paroquia Bobonaro palestra husi MJDAC, iha loron 29 Agostu, entrega kruz Joven no peregrinasau hikas mai Dili.
Iha loron 30 Agosti, misa enseramento ho kruz internasional iha Sé Catedral no proseisaun ba aeroportu hodi ba Tailândia.
Padre ne’e sublinha, “mai ita la’o hamutuk hodi halo susesu ba eventu fiar nian hodi lori sarani sira hametin fiar”.
Oficialmente ohin iha Camara eclessiastica metropolitana arquidiocese de Dili, dia 30 de Junho de 2025, Conferência Episcopal Timorense (CET) liu husi Comissão Nacional Juventude Católica Timor-Leste (CNJCTL) fo sai ba públiku hodi halo lançamento ba Equipa Sinodal.