Kafetariá BCB Coffee Hamorin Palásiu Prezidente

SAPNewsTL-Dili – Kliente konsumidor Kafetariá Bendita Coffee Beautiful (BCB) louva sidadaun feto Timoroan ida ne’ebe kriativu hamorin kafe, Atsabe iha resintu Palasiu Prezidensial Aitarak-Laran nia kotuk.

Tuir vizitante sira hatete, kafe ne’ebe sira konsumu mai husi Postu Administrativu Atsabe, Postu Administrativu Letefoho, Munisipiu Ermera, ne’ebe ho sabor diak tebes atu ema hotu-hotu bele konsumu kafe organika ne’e.

“Kafe ne’e hemu ho sabór furak no gostu los, no ami gosta mai hemu hela deit kafe iha fatin ne’e, kafetaria ne’e mos iha staff na’in rua ne’e feto hotu, ho nia na’in mos feto ida husi Postu Atsabe Suku Malabe”, Dehan konsumidor ba SAPNews Timor-Leste iha Kafetariá Bendita Coffe Beautiful (BCB) Segunda (08/04/2024)

Iha sorin seluk, kafetaria na’in Bendita Magalãens ne’e mos agredese ba parte hot-hotu, tanba bele hari’i ona kafetariá iha ne’e, agradese mos funsionáriu sira husi Palasiu Prezidente nian, ne’ebè sempre vizita no hemu kafe iha fatin refere.

“Ha’u husu ba publiku disponivel mai vizita ami nia kafetariá ne’ebè loke, iha Palasiu Prezidente nia kotuk, besik arte moris nia oin”Nia Hakotu.

Jornalista : João Marito