BCTL Identifika, Autor Produz Osan Falsu
Imajem : Governador Banco Central de Timor-Leste, Elder Lopes iha Suai room Timor Plaza, Quinta, (11/04/2024)
SAPNews TL, Díli – Relasiona ho informasaun moeda 50 centavos falsu ne’ebe espalla iha territóriu nasionál, Governador Banco Central de Timor-Leste (BCTL sigla Portugués), rekoiñese sei kopera ho autoridade relevantes sira hodi investiga klean autor responsavel produsaun moeda refere.
Dirigente Banco Central de Timor-Leste BCTL Elder Lopes, hateten nia parte sei buka
medida hodi kopera ho autoridade seguransa sira liu-liu polisia judisial sira no mos parte relevante sira hodi halo investigasaun ba autor ka kompanhia balun ne’ebe organiza malu hodi halo produsaun ba osan falsu.
“Ami sei buka meios ko’alia ho autoridade seguransa sira, identifika responsavel ida ne’ebe halo produsaun no distribuisaun ba moedas falsus liu-liu ba 50 centavos no medida segundo mak ami mos halo socializasaun ba ita nia sidadadun sira liu-liu iha areas fronteiras kona ba ita nia osan, “Dehan Governador Banco Central de Timor-Leste, Elder Lopes ba Jornalista sira iha Suai room Timor Plaza, Quinta, (11/04/2024)
Responsavel masimu Banco Central ne’e hatutan, iha sensibilizasaun ne’e sira espera katak populasaun bele hatene sobre osan ne’e falsu entaun medida adisional Banco central agora hola maka bainhira ema mai troka osan falsu iha ninia Banco, Osan falsu refere sei prende atu nune’e labele sirkula iha teritoriu nasional.
“Banco Central ho autoridade relevante sira identifika ona autor sira ne’ebe halo osan falsu ho nune’e autoridade relevantes sira agora identifika ona autor sira tanba ida ne’e hau labele koalia barak justisa, kna’ar ba ami mak hanesan ami halo sosializasaun ba populasaun kona ba troka iha Banco sentral liu-liu ba 50 centavos 2013 nian ami tahan ida ne’e uluk ita apela ona komunikadu ne’ebe apoiu iha fulan kotuk ne’e apela ona medida hatama osan falsu ba sira ne’ebe area rurais”.
Nia salienta liu husi serbisu hotu-hotu polisia sira iha neba tenki iha Dili ka Fatin urbanu ne’e bele hatama mai Banco sentral mai iha policia autoridade lokal sira pois mak sira rekolha mai fo fali ba Banco sentral por enkuantu agora dadaun esforsu hotu-hotu ne’ebe hala’o para kontrola sirkulasaun osan falsu tuir nia regra sei lori mai troka la fo fila fali, tanba ne’e osan falsu, Nia hakotu.
Jornalista : Eleonora Fátima