Jornalista Ne’e Vokasaun Ida ! Background Sekundariu Bele Sai Jornalista

SAPNewsTL, Dili- Konselho Imprensa la taka dalan ba ema ne’ebe mak background estudu iha nivel sekundaria ne’ebe mak hakarak sai jornalista tanba sai jornalista ne’e vokasaun ida ne’ebe mai ho hakarak rasik hodi aprende.

Tuir Prezidenti Conselho Imprensa (Sigla portugues CI),Otelio ote hatete jornalista barak ne’ebe remata deit iha ensinu sekundariu maibe Konselho Imprensa la taka dalan bainhira sira hakarak sai jornalista

“Iha Timor, Ita la iha limitasaun ba ema ne’ebe mak remata eskola iha nivel sekundariu sira, tanba remata sekundariu sai mos finalista nivel edukasaun ida, no maioria jornalista mai husi nivel sekundaria, ami buka meius seluk atu bele hakbit nia kapasidade liu husi siensia no teknika hodi hakbit nia intelektualidade”.Dehan Prezidente Conselho Imprensa Otelio Ote, iha salaun G7+,Sexta-feira(09/02/2024)

Nia husu ba jornalista sira ne’ebe mak mai husi edukasaun nivel sekundaria atu labele sente ann kiik liu katak eskola sekundariu labele sai jornalista, iha mundu jornalismu la iha ema ida mak sai lisensiadu ne’ebe diak liu, la iha ema ida mak tinan barak iha jornalismu mak diak liu.

“Diak liu mak ema ida ne’ebe jornalista ho nia karakter rasik buka aprende, aprende bebeik, buka hatene sala ne’e diak liu no buka hatene informasaun ne’ebe los, atu fo sai ida ne’e mak ema dehan jornalista profisionalismu”Nia informa

Lider Orgaun Regulador ba setor komunikasaun sosial ne’e husu foinsa’e sira ne’ebe iha interese sai jornalista bele tuir sira kona ba jornalismu hodi dezenvolve kapasidade téknika no profisional.

Jornalista : Ermelinda Soares