KM Autoriza Reabilita Estrada Lautém Ba Lospalos & Com
Imajem : Reuniaun Konsellu Ministru iha Palásiu Governu Dili,21/11/2024. Foto : M-POGTL
SAPNewsTL, Lautém : Governu liu hosi reuniaun Konsellu Ministru aprova ona rezolusaun ida hodi halo estrada diresaun Lautém ba Lospalos no Lautém ba Com.
Durante reuniaun Konsellu Ministru kinta feira ohin, Governu aprova ona hodi halo reabilitasaun no manutensaun seksaun estrada entre Lospalos ba Lautém.
“Reuniaun konsellu ministru halo autorizasaun ba despeza ba reabilitasaun estrada reabilitasaun no manutensaun seksaun estradau entre Lospalos no Lautem”. Hakerek iha portal ofisial Governu Timor-Leste, Dili,21/11/2024
iha reuniaun ne’e, governu mos aprova despeza ba reabilitasaun no manutensaun seksaun estrada entre Lautém ba Com.
“Autorizasaun ba despeza reabilitasaun no manutensaun ba seksaun estrada entre Lautem e Com”. SAPNews Screeshot
Entretantu estrada ligasaun Lautém ba postu administrativu Luro, estrada ligasaun postu Lospalos ba postu administrativu Iliomar no postu Loré seidauk iha solusaun maske estrada ba fatin tolu ne’e aat tinan naruk ona.
Jornalista : Ermelinda Soares