Komemora Loron Mundial Menstruasaun, Plan Internasional Lansa Aplikasaun Reprodutiva
Dili- Plan Internasional Timor-Leste hala’o lansamento aplikasaun reprodutiva hodi komemora loron mundial menstruasaun. Objetivu atu hasa’e kualidade asesu ba informasaun saude produtiva no fornese servisu ba foinsa’e sira hotu atu bele halo diskusaun interativa ho pessoal treinadu Sira hodi hato’o Sira nia preokupasaun saude reprodutiva.
Tuir Embaixada Plan Internasional Timor-Leste Cidalia Lopes N. Mouzino Guterres hateten halo lansamento ba programa feto teknologia liuliu atu reativa Fila fali aplikasaun Kona ba saude reprodutiva liu husi Smartphone
“Liu husi Embaixadora Kampanha impaktu negativu kaben sedu no isin rua sedu katak importante teb-tebes ho lansamento programa Ida ne’e atu hasa’e Liu tan konesimentu ba Ita nia alin feto Sira eduka Sira atu aprende Liu tan Kona ba saude reprodutiva liu husi Smartphone”. Dehan Cidalia ba jornalista Sira iha Hotel Novo Turismu,Tersa(31/05/2022)
Iha fatin hanesan Xefe Departamentu Saude adolecente no joven hatutan tan katak programa ne’ebe ohin lansa hanesan meius ida atu apoiu mos ministériu saude liliu liga ba atendimentu adolecente no joven sira atu nune’e sira bele iha konesementu diak atu halo prevensaun ba kaben sedu no isin rua sedu.
“Agora dadaun problema barak hanesan joven barak kaben sedu, soe bebe ba hirak ne’e ita tenke esforsu makas liu tan liu husi meius oi-oin, tan ida ne’e mak ohin plan internasional sira kolabora ho ministeriu saude lansa aplikasaun ida ne’e para atu bele asesu ita nia adolecente, joven, foin sae sira”Dehan nia.
Nia akresenta Ema hotu-hotu inklui media sira hotu oinsa para bele haklaken informasaun iha tempu saida mak sira halo relasaun tanba sira labele kobre ba fatin hotu-hotu, nune’e ho apoio ema hotu-hotu nian, inklui parseiro sira hotu-hotu nia servisu fo asesu ba adolecentes, joven sira ne’e bele iha informasaun ne’ebe diak atu bele foti desizaun ne’ebe loos ba iha sira nia moris rasik.
Enkuantu, serimónia ne’e hetan partisipasaun maximu husi estudante Universidade Nasional Timor Lorosae (UNTL), universidade da paz (UNPAZ) instuituto ciensia da saude (ICS), Universidade de Dili (UNDIL), Universidade Oriental Timor Lorosa’e (UNITAL) ,eskola Secundaria tecnika informatika (ETI), Eskola pre Secundaria EBC 3° no Secundaria Nikolau lobatu no sira seluk tan.
Reportagem: Ekipa kobertura
Editor: Adriana da silva
Jornalista: Conzita Mota