Komunidade Ermera Sofre Infraestrutura, Khunto Husu Guvernu Loke Matan
Imajem : Estrada Suku Atara Postu Administrativu Atsabe Kotu, 24/03/2023
SAPNewsTL, Ermera : Hafoin Udan Boot Akontese Orseik Loraik, 24/03/2023, Rezulta Ponte Diresaun Suku Atara Postu Administrativu Atsabe Munisípiu Ermera Ba Munisipiu Bobonaro Kotu tanba mota ho Volume Bee ne’ebe boot
Joven Potensia Atsabe oan Marchal Gonsavel konsidera dezenvolvimentu ne’ebé la’o iha Postu Atsabe ho munísipiu laiha mudansa durante tinan-lima
“Ita hotu hatene katak sosiedade Atsabe kontinua moris depende ba fila-liman/buisnes no mós kafe. Ohin-loron, Postu-Atsabe senti triste bainhira estrada ne’ebé fasílita sira hodi hala’o sira-nia atividades hetan estragus husi natúreza, kondisaun ida ne’e piór liu bainhira ita-nia mahukun-sira ne’ebé nain ba desizaun nunka atu kestiona hodi hatan ba preokupasaun sosiedade-nian”. haktuir Sekretariu Jeral Movimentu Foinsa’e Atsabe (MOFA) Marchal Gonsalves ba Jornalista SAPNewsTL, Iha Dili, 24/03/2023
Iha sorin seluk, Antes ne’e (20/03/2023) Iha Munisipiu Ermera Postu Administrativu Letefoho, Rezulta mos Mota Ho Grande Intensidade ikus mai Mota sobu ponte Diresaun entre Postu Letefoho no Atsabe ba Gleno no Dili.
Imajem : Ponte Suku Eraulo Postu Administrativu Letefoho, Munisipiu Ermera, 20/03/2023
Entretantu, Hafoin Ponte Refere Kotu Ministru Obras Públikas (MOP), Eng. Abel Pires da Silva Orienta ba Diresaun Jerál Estrada, Ponte Prevensaun no Kontrollu no Seias (DJEPPKS) halo koordenasaun ho kompañia Monte Veado ne’ebé nia ekipamentu pezadu implementa hela projetu iha Munisípiu Ermera hodi normaliza ona estrada kotu iha área suku Eraulu, Postu Administrativu Letefoho ne’ebé liga entre Postu Letefoho no Atsabe ho Gleno, inklui Dili. Maibe Daudaun ne’e udan Boot, Nune’e estraga hikas ona Ponte Refere hodi difikulta movimentasaun transporte Privadu no Públika iha área refere
Iha sorin seluk, iha loron 28/03/2023, Mota Suku Talimoro Postu Administrativu Ermera mos lori ambulansia ida, maibe kompanha Betuhei no komunidade ne’ebe hela iha area refere konsege salva husi mota
Relasiona ho preokupasaun hirak ne’e, Representante povu iha Uma Fukun Parlamento Nasional Deputadu Bankada Khunto Antonio Verdial Da Sousa husu governu atu tau matan ba dalan ne’ebe kotu iha Munisipiu Ermera tanba implika movimentasaun Transporte hodi halo viagen
“Husu ba gvernu hodi tau matan ba estrada sira ne’ebe kotu iha Munisipiu Ermera liliu iha Letefoho no Atsabe nian, Realidade iha sabadu Deputadu sira atu desloka ho vise Primeira Ministra ba Atsabe fatin ne’eba labele liu, ne’ebe liu fali husi dalan aternativa maibe labele liu nafatin, liu fali husi parte norte Bobonaru atu hakat sa’e fali mai iha lasaun mos Dala Kotu fatin Rua, buka dalan aternativa atu sae atuabe kareta trasaun Rotora sa’e labele entaun ami Fila fali deit”. haktuir Deputadu Antonio Verdial Da Sousa iha Plenaria Parlamentu Nasional, 27/03/2023
Enkuantu, tuir informasaun ne’ebe Jornalista SAP News asesu katak dalan ba Munisipiu Ermera iha Postu Haat mak hetan estragus husi udan boot no mota mak estrada husi Ermera villa, Hatulia, Atsabe no Letefoho, Portantu, situasaun ne’e difikulta movimentu transporte sira inklui Vise Premeira Ministra ho Deputadu sira la konsege ultrapassa, ikus mai sira fila deit tanba estrada kotu
Jornalista : Ermelinda Soares