Hakman Sobrevivente Sira Todan, CNC Fo Bolsa Ba Foinsa’e 12

SAPNewsTL, Dili : Centru Nasionál Chega (CNC), apoiu bolsu estudu ba sobrevivente no vulneravel nia oan sira hamutuk na’in 12 (Sanulu resin rua), bolsa ne’e nu’udar reparasaun hodi tulun sobrevivente sira ne’ebe laiha forsa no kbi’it apoiu sira nia oan atu hetan edukasaun iha nivel ensinu superior.

Diretór Ezekutivu Centru Nasionál Chega, Hugo Maria Fernandes haktuir serimonia atribuisaun bolsu estudu ba sobrevivente no vulneravel sira nia oan hamutuk na’in 12 (Sanulu resin rua)

“Atribuisaun ne’e bazeia ba dadus ne’ebé mak CNC hetan hosi Asosiasaun vitima prizioneirus polítika, AJAR Hakbiit ne’ebé durante halo akompañamentu ba sira nia inan aman ne’ebé vitima hosi funu. labele orgullu ou previlejiu ba imi maibé wainhira imi simu atribuisaun ne’e ema barak hirus ba ida ne’e. Entaun orgullu no pevilejiu ne’e ba funu na’in sira. Bolseiru ne’ebé imi hetan ne’e hanesan todan ne’ebé imi tenki simu.uluk inan aman simu sofrementu oi-oin, ohin loron liu hosi bolsu estudu ne’e oinsá oan sira hamorin nafatin inan aman sira nia memoria”. Dehan Nia iha salaun CNC Sesta (31/03)

Diretór CNC husu bolseiru sira tenki ba eskola tuir materia no aprendizajen ho di’ak, tempu livre ba vijíta Centru chega hodi tuir atividade no estuda istória pasadu nian ho koñesimentu di’ak konaba assosiasaun vitima sira nune’e kontribui ba memoria pasadu nian.

CNC nu’udar institutu publíku harii hosi estadu, nia mandatu ida mak hare ba sobrevivente sira nia oan ne’ebé komprimisiu boot hakarak kontinua estudu iha nivel superior. Nune’e tulun bolseiru sira hodi hakmaan inan aman sira nia preokupasaun durante uha pasadu.Sobrevivente vitíma barak maibé la’os kondisaun mukit, alvu ne’e ba ema ne’ebé ukun aan tinan 20 resin ona maibé laiha kapasidade no finanseira atu tulun sira nia aan no sira nia familia rasik.

“Bolseiru sira kada fulan hetan $150 dolar hodi sustenta kobre ba sira nia nesesidade loro-loron to’o remata sira nia estudu iha nivel superior” Nia informa

Iha fatin hanesan Diretóra ACbit Manuela Leong Pereira hateten, “sente kontente tanba durante esforsu no halo advokasia servisu hamutuk ho Centru Chega hetan ona rezultadu Bolseiru sira hetan ona bolsu estudu durante tinan 2.  Orgullu tanba sobrevivente sira nia oan hetan bolsu estudu iha nivel superior ho fundu ne’ebé susteta ba nesesidade loro-loron nian”. nia haktuir

Nia dehan, hetan ona bolsu estudu tenki hatudu solidadriedade iha sosiedade ho kualidade iha nível superior nian, nunee ema seluk mós respeita imi.

“Tanba uluk ACbit servisu hamutuk fundasaun ALOLA fasilita mós bolsu estudu hanesan ne’e, maibé susar ba alin sira atu halo solidariedade, depois hetan tiha osan mak ne’e ona, atividade ruma konvida mos la partisipa haluhan tiha organizasaun sira ne’ebé apoiu, la’os obriga atu ajuda organizasaun ne’e maibé oinsa hatudu ezemplu ba públiku hodi hatutan programa ou istória ne’e”,nia hakotu

Jornalista : Ermelinda Soares