Kondisaun Eskola EBC SAKROJES Aituto Aat Desde 2008
SAPNewsTL, Ainaru: Relasiona ho Estudante Eskola Ensinu Báziku Central (EBC Sigla Português) Sagradu Korasaun de Jesus Aituto (SAKROJES Aituto), Postu Administrativu Hatubuilico, Munisípiu Ainaru ne’ebe estuda iha eskola ne’ebe menuz supra no infraestrutura sira. Manorin Januário Cardoso husu Ministériu Edukasaun hodi tau matan netik ba eskola refere tanba desde 2008 eskola ne’e hari’i nunka iha rehabilitasaun to’o ohin loron
“Ami sente trzite tebes tanba desde 2008 to’o ohin loron, eskola refere ladauk hetan atensaun sériu husi Governante sira, Uluk Ministra Edukasaun Dulce Maria de Jesus dala ida halo ona visita hodi halo promesa katak sei halo maibe to’o ohin loron laiha rezultadu, tanba ne’e ami husu Ministériu Edukasaun hodi hari’i ketik edifisiu ida ba eskola ne’e”. Tenik Professor Januário Cardoso ba Jornalista SAPNewsTL liu husi Via Telefone Iha, Eskola SAKROJES Aituto-Ainaro, 19/09/2023
Eskola ne’ebe daudaun ne’e estudante Primeiru no Segundu Siklu uza maka ninia kondisaun eskola sira sai hanesan kadeira, meza, kuadru hakerek, laiha livru no laiha materiais didátikus sira seluk ne’ebé bele fasilita alunu sira hodi aprende ho diak iha area rural
Januário hateten, wainhira akontese udan estudante sira iha eskola refera labele Hala’o prosesu ensinu aprendijazem tanba udan been tama to’o eskola laran, halo estudante sira labele aguenta hodi tuir aula
“Wainhira mosu udan, prosesu ensinu aprendijazem hotu paradu tanba udan tama to’o eskola laran halo alunu sira labele absorve no tuir matéria ho diak, entaun wainhira udan ami fo hanorin ba estudante sira, sira eskola iha fatin ne’ebe la merese”. Januário Cardoso hateten
Estudante Primeiru no Segundu Siklu uza hela aula neen ne’ebe daudaun ne’e ninia kondisaun aat teb tebes, maske Nune’e Maibé daudaun ne’e sira kontinua utiliza aula refere hodi hala’o prosesu ensinu aprendijazem lor loron nian
Manorin ne’ebe hanorin iha Eskola Ensinu Báziku Central refere hamutuk na’in 16, entre sira na’in 6 Professór permanente, na’in tolu kontratadu no nain 8 Professór voluntáriu
“Ami na’in 17 mak hanorin iha eskola ne’e ba estudante hamutuk 268, na’in 6 permanente, na’in 3 kontratadu no na’in 8 mak hanorin voluntáriu, tanba ne’e ami husu Ministériu Edukasaun hodi tau matan netik mos ba professor voluntáriu sira”. Nia husu
Manorin ne’e informa, Estudante ne’ebe hala’o nia estudu iha eskola refere hamutuk 268 inklui Primeiru Siklu, Segundu Siklu no Terseiru Siklu, kompostu husi Feto 121 no Mane 147
Entretantu, Antes ne’e Gabinete Prezidente Repúblika no NGO sira inklui Minista Edukasaun iha governasaun sira liu ba, konsege ba haree no halo promesa furak maibe ikus mai laiha rezultadu.
Jornalista : Marcela Mery da Costa