Kondisaun Estável ! Papa Francisco Sei Alta Iha Tempu Badak

Imajem : Santu Padre Papa Francisco

SAPNewsTL : Hafoin hala’o tratamentu durante loron 37 iha Ospital Gemelli Roma, felizmente, Doutor Sergio Alfieri informa katak Santu Padre Francisco sei alta iha tempu badak tanba hetan ona kondisaun ne’ebé estável.

Tuir informasaun ne’ebe SAP News asesu liu hosi Vatican News haktuir katak Papa Francisco hahú di’ak ona no sei alta iha tempu badak.

“Notísia di’ak, ne’ebé mundu tomak hein, mak Santu Padre sei alta no sei fila fali ba Santa Marta!” Nune’e mak fó sai ospitalizasaun Papa Francisco nia rohan, hafoin loron 37 iha Ospitál Gemelli, iha Roma, 22 Marsu 2025.

Anúnsiu kona-ba nia regresu ba Vatikanu, ne’ebé marka ona ba ohin, loron 23 fulan-Marsu ne’e halo durante konferénsia imprensa ne’ebé lidera hosi diretór Gabinete Imprensa Santa Sé nian, Matteo Bruni, ho prezensa hosi médiku sira Sergio Alfieri no Luigi Carbone, responsável ba rekuperasaun Pontífise nian.

Tuir doutór Alfieri, iha momentu admisaun, Santu Padre iha insufisiénsia respiratória aguda tanba infesaun polimikrobiál, kauza hosi vírus, baktéria no fungi.

Kondisaun ida-ne’e rezulta iha pneumonia bilaterál ne’ebé maka’as, ne’ebé maka presiza tratamentu farmakolójiku espesífiku. Hafoin kuadru klíniku ne’ebé kompleksu, iha semana rua ikus ne’e, Amu-Papa nia kondisaun estavel nafatin.

Médiku sira rekomenda atu kontinua tratamentu farmakolójiku, aleinde períodu deskansa no konvalesénsia pelumenus fulan rua.

Tuir ekipa médiku, ne’e hanesan alta “protejidu”, ne’ebé signifika katak rekuperasaun sei presiza fisioterapia respiratóriu no motor, aleinde apoiu oksijéniu loroloron no monitorizasaun médiku kontínua.

“Papa hatudu kolaborasaun durante tratamentu tomak, se evolusaun pozitivu kontinua, nia sei bele hahú fali ninia atividade sira iha tempu badak”, tenik profesór Alfieri.

Molok fila fali ba Vatikanu, Francisco sei iha varanda Ospitál Gemelli nian iha Domingu ne’e (23/03), hodi kumprimenta no haraik bensaun ba sarani sira.

“Tempu loloos ba alta iha ospitál seidauk define”. Sita média Vaticano iha Roma, 22/03/2025

Versão Português :

“A boa notícia, aguardada pelo mundo inteiro, é que o Santo Padre receberá alta e retornará à Santa Marta!”

Assim foi anunciado o fim da internação do Papa Francisco, após 37 dias no Hospital Gemelli, em Roma. O comunicado sobre seu retorno ao Vaticano, previsto para amanhã, 23 de março, foi feito durante uma coletiva de imprensa conduzida pelo diretor da Sala de Imprensa da Santa Sé, Matteo Bruni, com a presença dos médicos Sergio Alfieri e Luigi Carbone, responsáveis pela recuperação do Pontífice.

Segundo o doutor Alfieri, no momento da internação, o Santo Padre apresentava insuficiência respiratória aguda devido a uma infecção polimicrobiana, causada por vírus, bactérias e fungos. Essa condição resultou em uma pneumonia bilateral severa, exigindo tratamento farmacológico específico.

Após um quadro clínico complexo, nas últimas duas semanas, a condição do Papa tem se mantido estável. Os médicos recomendam a continuidade do tratamento farmacológico, além de um período de repouso e convalescença de pelo menos dois meses.

De acordo com a equipe médica, trata-se de uma alta “protegida”, o que significa que a recuperação exigirá fisioterapia respiratória e motora, além de suporte diário com oxigênio e acompanhamento médico contínuo.

“O Papa demonstrou colaboração durante todo o tratamento e, se mantiver a evolução positiva, poderá retomar suas atividades em breve”, afirmou o professor Alfieri.

Antes de retornar ao Vaticano, Francisco aparecerá na sacada do Hospital Gemelli, também neste domingo (23/03), no horário do Angelus, para uma saudação e bênção aos fiéis.

O horário exato da alta hospitalar ainda não foi definido.

Jornalista : Marciana da Conceição