Konklave Loron Daruak ! Ai-Suar Metan, Seidauk Hetan Vigáriu Kristu Nian
Imajem : Konklave hili Papa foun kontinua hatudu Ai-Suar Metan, nune’e seidauk hetan Pontifise Romanu foun, Vatikanu, 08/05/2025.
SAPNewsTL : Rezultadu eleisaun daruak kontinua laiha kardinal ida maka mais votadu ka hetan votu maioria (Kardinal sira seidauk iha konsensu), rezultadu ne’e hatudu prosesu votasaun iha oras dader seidauk hetan Vigáriu Kristu nian foun, nune’e adia ba oras loraik, Kinta-Feira, 08 Maiu 2025 (tuku 5:00 OTL).
Rezultadu eleisaun daruak iha oras dader (08/05/2025) hatudu ahi suar metan (fumaça Preta) katak seidauk hetan Potifise Romano foun, nune’e sei kontinua ba oras loraik hodi hili Vigáriu Kristu nian, Susesor São Pedro.
Oras ne’e, sarani barak kontinua halibur hamutuk iha Prasa São Pedro Vatikanu hodi hein rezultadu hosi votasaun datoluk iha konklave hili Papa Foun.
Wainhira ahi suar sai metan signifika seidauk hetan São Pedro nia susesor ka Papa Foun husi eleisaun ne’e. Enkuantu, wainhira ahi suar mutin sai signifika iha ona Amu Papa foun ne’ebe hetan votus maioria hosi kardinal hamutuk 133.
Oras ne’e kardinal hamutuk 133 iha ona Kapela Sistina Vatikanu hodi halo eleisaun ka hili Papa foun.
“Mai ita hotu kontinua reza no harohan ba Maromak hodi fihir Papa foun ida ne’ebe bele responde ba igreza no unanimidade nia interesse tuir Maromak ninia bolu no hili”.
Jornalista : Conzita Mota
Fontes : Vatican News