Konselleiru & Prezidente Mídia SAPNewsTL Orgullu, SECOMS Ho KI Halo Lansamentu Ofisial
Imajem Pe. Mouzinho Pereira Lopes atual Konselleiru SAPNewsTL, dadalia ho Jornalista sira husi Hatutan, Loluwari, Business Timor, Dili Post, Intedepent, Nuanil, TVE, no seluk tan iha, Salun INAP, Dili, 24/02/2023. Foto : Grigorio Saniba
SAPNewsTL, Dili: Konselleiru Media SAPNewsTL Padre Mouzinho Pereira Lopes ho prezidente Clementino B. Machado sente orgullu tanba Sekretaria Estadu Komunikasaun Sosial (SECOMS) ho Konsellu Imprensa (KI) halo lansamentu ofisial ba sira nia midia ne’ebe funda husi juventude sira ho espiritu voluntarizmu.
“Ohin ne’e ita lansa ofisial media SAPNewsTL ne’ebe ha’u senti orgullu tebes tanba sekretariu estadu komunikasaun sosial Mericio Juvinal dos Reis Acara no reprezentante Konsellu Imprensa Expedito Dias mak mai halo lansamentu media SAPNewsTL nian”, dehan Konselleiru Media SAPNewsTL Padre Mouzinho Pereira Lopes iha nia Diskursu, Iha Salaun INAP, Dili, 24/02/2023
Imajem Diskursu Konseleiru Midia SAPNewsTL Pe. Mouzinho Pereira Lopes
Konseleiru hatutan, aleinde halo lansamentu ofisial, sira mos selebra media nia tinan ba tinan ida nian ne’ebe orgullu tebes ba jornalista sira ne’ebe hamahan iha media ne’e tanba la hola parte iha ema sira ne’ebe insulta malu deit maibe sira hatete lia los ba sosiedade sira iha Timor-Leste no hein katak publiku sei asesu media ho plataforma dijital ne’e nia notisia sira.
Iha sorin seluk, Prezidente Media SAPNewsTL Clemetino B. Marchal hatete, nia sente orgullu tanba sira ohin bele halo lansamentu ofisial ba sira nia media ne’ebe lansa husi SECOMS no KI.
“Ha’u sente orgullu tebes tanba ohin ami halo lansamentu ofisial ba Media SAPNewsTL nian ne’ebe lansa husi SECOMS Mericio Juvinal dos Reis Acara no reprezentante KI Expedito Dias ne’ebe funda husi estudante universitariu, sekundariu no formadu jornalizmu sira”, tenik prezidente
Presidente SAPNewsTL Clementino Bragaca Machado dadalia ho Jornalista sira, hafoin halo lansamentu nasional ba midia SAPNewsTL
Prezidente afirma tan, Media SAPNewsTL nia prioridade ba oin mak jornalista sei halo kobertura hodi informasaun ba publiku sira atu asesu maski ho ekipamentu limitadu maibe jornalista sira sei nafatin iha vontade diak ho espiritu voluntariu, nasionalizmu no patriotizmu atu lori informasaun kredivel ba sosiedade sira iha Timor-Leste no kombate informasaun sira hanesan hoax no fake news
Nia informa, membru ba Media SAPNewsTL hamutuk kuaze nain-80 maibe ativu kuaze 40 tanba jornalista sira iha difikuldade ba finanseiru tanba finanseiru jornalista Ida-idak hasai rasik hodi ba kobertura tan ne’e orsamentu jornalista sira iha sira ba kobertura maibe bainhira la iha deskansa iha uma iha fali mak la’o maibe ida ne’e la hamate espiritu jornalista sira hodi foti informasaun habelar ba sosiedade sira iha Timor-Leste.
Enkuantu, iha ambitu lansamentu ne’e hetan patisipa mos husi Konsellu Imprensa Espedito Dias Ximenes, SEKOMS Mericio Juvinal dos Reis, Dosente UNTL Agustinho de Sousa, UNFPA, Ryla Rian, Movimentu Foinsa’e Atsabe (MOFA), Representa Media Nasional sira hanesan Loluwari, Hatutan.com, Naunil, Independent, Dili Post, Bisniss Timor, TVE, no seluk tan
Reportajen: Juvita dos Santos Sarmento