Konsidera Subvensaun $ 4 Habokur Partidu Sira, PDC Promete Altera Lei Subvensaun Públika
SAPNewsTL, Dili : Partidu Demokrara Cristão (PDC) promete sei halakon lei ne’ebe mak kada tinan lima povu sira vota tenki ho osan subvensaun ba Partidu sira hotu tanba halo ema balun la satisfaz no fo deit benefisiu ba lider partidu sira, PDC konsidera povu la senti benefisiu husi ukun an durante tinan 20.
"Durante kampanha governu exerse lei ida ne'ebe mak partidu hotu-hotu hetan vensimentu ba kampanha nian, bainhira sira ba vota sira fo osan subvensaun $4 ba partidu sira,hodi fo fali garantia ba lider partidu sira hotu, PDC Promete sei halakon Lei ne'e tanba ema barak la satisfas". Dehan Prezidenti PDC Francisco de Araujo ba jornalista sira iha Suku Bairu Pite Postu Administrativu Dom Aleixu Munisipiu Dili segunda -feira 15/05/2023.Francisco Akresenta, Joven balun la vota tanba fo osan subvensaun $4 ba lider partidu sira, Partidu Demokrata Cristão(PDC) hakarak halakon tiha lei ida n’e, nune’e labele fo benefisiu deit ba lider partidu sira no ukun nain sira.
“Ita tenki halo lei ne’ebe mak ema hotu senti katak sira hetan duni ukun an, povu sira mos iha diretu hodi senti saida benefisiu husi ukun an ne’e laos povu nia votus hodi habokur lider partidu sira kada kadeira ida husi partidu sira hetan ona 92.000.00, sai hanesan lideransa diak ida tenki tau lei ne’ebe mak dignu, nune’e ema hotu bele senti katak lei ne’e validu ba ema hotu”.nia teni
Iha fatin hanesan, konselheiru Antonio Ximenes hatutan, Durante ukun an tinan 20 ona tama ona ba etapa dala lima Timor selebra festa demokrasia, Wainhira PDC tama ba governasaun sei garante moris diak, estabilidade, justisa sosial no desenvolvimentu ba hotu
“Durante ukun an tinan 20 ona tama ona ba etapa dala lima Timor selebra festa demokrasia, ita hotu akompanha demokralizasaun ne’ebe la’o iha ita nia nasaun demokralizasaun, ita tenki garante moris diak, estabilidade, dezenvolvimentu, no justica sosial ba ema hotu”. nia afirma
Konselleiru PDC ne’e mos fundamenta, Tinan ruanulu ukun an maibe povu sei falta desenvolvimentu infraestrtura, edukasaun, saude, agrikultura seidauk bele rezolve hotu ho diak, rezolve deit blanku ba BI, Kartaun Eleitoral, blanku karta kondusaun ba karreta no motor mos si susar, la iha kardeneta passaporte nian mos la inklui sertidaun RDTL ne’ebe susar tebes atu fasilita povu ida ne’e, nune’e presiza hadia servisu administrasaun publika ho diak ba futuru
Entertantu, Dialogu iha Suku Bairu Pite Postu Administrativu Dom Aleixu Munisipiu Dili ne’e hetan partisipasaun masimu husi militante no simpatizante sira hotu, la observa husi CNE no la hetan seguransa husi PNTL
Jornalista : Lidia Amaral