Kontra Bandalismu ! Nelyo Isaac : Ema Ne’ebe Nonok La’os Tanba Nia Tauk-ten
SAPNewsTL, Dili : Ministériu Juventude Desportu Arte no Kuktura (MJDAK), saran lia hirak ne’e wainhira partisipa iha tomada de posse ba membru Parlamentu Foinsa’e Nian periodu 2024-2026.
MJDAK Nelyo Isaac Sarmento haktuir jovens labele hatudu bandalismu no falta respeitu ba ema seluk, tanba nasaun sei la oin se hatudu deit bandalismu, labele sente moris mesak iha nasaun ida ne’e.
“Joven sira, ita labele hatudu bandalismu iha ita nia nasaun, falta respeitu ba ema seluk, labele hanoin moris mesak iha pais ida ne’e, ita hotu tenki ita hotu ne’e hanesan Timor oan ema ne’ebe nonok la’os tanba nia tauk-ten, ha’u ladun konkorda konflitu iha ita nia rai ne’e mai husi juventude, ita presiza hakbesik hodi solusiona sira nia problema”.
“Ita tenki hasoru problema ho mentalidade, diferensa hanoin laos ita nia inimigu, ita tenki hamutuk halo diskusaun, imi tenki ense imi nia kakutak ho buat ne’ebe diak, hili los futuru sei sai forte, futuru iha imi nia liman rasik”. Tenik MJDAK Nelyo Isaac Sarmento liu husi kia diskursu oha salaun multifunsaun GMN, 12/12/2023
MJDAK ne’e hatutan, konsidera Parlamentu Foinsa’e Nian (PFN) hanesan espasu ida husi estadu Timor Leste hodi prepara nia ema kontribui ba dezenvolvimentu nasionál
“Parlamentu Foinsa’e hanesan espasu ida husi estadu ida ne’e, iha ne’ebe atu prepara nia ema, to’o tempu ida bele kontribui ba prosesu dezenvolvimentu nasaun nian”.
Nelyo Isaac husu ba foinsa’e sira hodi prepara an ho didiak hodi lori nasaun ba oin tanba se la prepara an mak sei la vale buat ida iha futuru.
“Programa Parlamentu Foinsa’e laos deit prepara joven sira, maibe halo imi mos tenki prepara an hodi lori rai ida ne’e ba oin, orgullu ba imi, ami iha esperansa imi bele lori rai ne’e ba oin ho diak, kuandu imi la prepara an mak imi sei la vale buat ida”.Nia Hateten
Enkuantu, Ministru Juventude ne’e mos husu ba joven sira hodi hamutuk prepara an diak liu tan fuihodi kontribui ba dezenvolvimentu nasaun nian tanba futuru nasaun ne’e iha joven sira nian liman.
Jornalista : Conzita Mota & Ermelinda Soares