KRAM Konsidera PSHT Foin Iha Kuantitavu, Maibé Seida’uk Kualitativu

SAPNewsTL, Dili : Durante partisipa iha abertura formasaun arbitarjen ho Juiz iha Ótel Ramelau, Prezidente Komisaun Organizadór Arte Marsiais (KRAM), Octavio da Conceição, haktuir, nia parte organizasaun Persaudaraan Setia Hati Terate (PSHT) foin to’o iha faze kuantitativu maibé seidauk iha kualitativu tanba ne’e tenki hadia ba futuru liu husi edukasaun sívika no formasaun sira

“Organizasaun PSHT seidauk la’o másimu, foin ba iha kuantitativu seidauk aposta ba kualitativu, lideransa PSHT kontinua dezenvolve organizasaun ne’e sai modalidade desportu liu husi edukasaun sívika no formasaun ,” Tenik Prezidente KRAM, Octavio Conceição, Hotel Ramelau,21/10/2023.

Ezekutivu KRAM ne’e informa, ranting PSHT iha Territóriu Nasionàl hamutuk 495, maibé membru sira kuaze seidauk koñese estrutura nasionál, tanba ne’e presiza hadi’a an didiak ba oin.

“Kontente semana kotuk viajen ba Baukau haree ranting PSHT di’ak liu iha Timor, sira prienxe rekezitu ne’ebé hatuur iha segundu deritiva KRAM,” informa Presidente KRAM

Guvernu mai ho programa rua ba arte marsiais, liu husi fó kompetensia ba KRAM hodi kontinua dezenvolve arte marsiais oinsá apoiu finanseiru no buka rezolusaun konflitu sira, liu husi halo dialogu, edukasaun sivika no konsolida hosi organizasaun ba ranting sira iha territóriu nasionál.

Lider Ezekutivu KRAM salienta, organizasaun hirak ne’ebé loke ranting la prienxe rekizitu sei la hetan finanseiru hosi Governu.

PSHT loke ranting la prienxe rekizitu, KRAM sei foti medika hodi taka, tanba ne’e konsolida no hadi’a aan no buka rezolusaun konflitu

Parlamentu Nasionál konsege aprova 2.5 millaun hosi orsamentu retifikativu 2022 nian. Ida ne’e apoiu ona kuaze 700 mill ba organizasaun 16, osan ne’e apoiu ba arte marsiais sira durante tinan tolu.

“Husu ba Organizasaun PSHT Timor Leste organiza aan para nafatin hetan finanseiru, osan ne’e organizasaun nian la’ós KRAM entaun tau aan didi’ak iha futuru. organiza aan hanesan resensiamentu, kompetisaun no formasaun.” Nia Subliña

Jornalista : Ermelinda Soares