Kria Oportunidade Ba Feto Sira, Korea Sei Simu Traballador Doméstika
SAPNewsTL, DILI – Embaixador Korea iha Timor-leste, Shing Man Taec hateten governu Korea agora dadaun diskute hela atu simu trabalhador iha area domestiku nian, hanesan servisu iha uma laran no hare labarik sira.
Tuir Embaixador ne’e katak oportunidade diak ba feto sira tanba agora dadaun governu Korea deskute hela lei hodi,simu trabalhador domestiku
“Oportunidade ba feto sira, iha ne’ebe governu korea agora dadaun, deskute hela lei para atu simu trabalhador domestiku. komu trabalhador menus entaun governu korea diskute hela, oinsa bele simu sira husi Sudeste Aseatiku”Dehan Embaixador Korea Shing Man Taec, iha nia diskursu, Quarta-feira(02/07/2023)
Nia haktuir katak trabalhador sira ne’ebe mak atu ba servisu iha Korea presija iha skill servisu nian no iha abilidade lingua
“Atu ba servisu iha korea ho visa E9 ne’e presija mak lian korea no abilidade basika para prense iha servisu balun ne’ebe mak presija skill” informa embaixador
Tenik nia katak nu’udar embaixador Korea iha Timor-leste, nia parte sei koalia ho governu Korea atu hasa’e numeru trabalhador sira no reativa fila-fali area agrikultura nian
“Hanesan embaixador, agora dadaun ha’u koalia ho ha’u nia governu atu oinsa aumenta numeru trabalhador,ba servisu iha korea. Esforsu ida tan ne’ebe mak ita halo mak haruka fabrika ho peskas mak ba maibe ita sei koalia hodi reativa fali area agrikultura nian” Nia salienta
liga ho servisu domestika iha nasaun Korea do Sul, Embaixador ne’e klarifika traballadro presija hatene lian korea ho lian english, enkuantu daudaun ne’e joven timor oan barak kontinua ba no servisu iha Korea do Sul
Jornalista : Esmeralda da Silva