PM Austrália & PM Timor Konvida Malu Liu Husi Via Telefone
SAPNewsTL,Dili:Primeiru Ministru (PM) Austrália Anthony Albanese Kongratula no Dezeja Susesu Ba Primeiru Ministru (PM) Kayrala Xanana Gusmão Xanana iha Nonu Guvernu Konstitusional
Xefe Governu Austrália Anthony Albanese informa asuntu ne’e durante kontaktu via telefone direita ho PM Xanana, kuarta feira 02/08/2023 iha Palasiu Governu, Dili.
PM Austrália apresia eleisaun parlamentár Timor Leste ne’ebe la’o iha ambiente demokrasia no paz hodi povu fó fiar ba formasaun IX Governu.
“Xefe Governu Austrália iha esperansa boot atu servisu hamutuk ho IX Governu Konstitusionál ne’ebé PM Kay Rala Xanana lidera,”Tenik PM
PM nain rua prontu lori governu rua servisu no koopera hamutuk, tanba ida ne’e hanesan era foun iha relasaun entre rai rua.
Iha konversa amizade ne’e, PM Austrália mós konvida PM Xanana atu hala’o vizita ba Austrália iha tinan oin hodi diskute no hametin liutan kooperasaun bilaterál entre rai rua. Nune’e PM Xanana mós konvida hikas Xefe Governu Austrália atu vizita mós Timor-Leste.
Entretantu, antes ne’e Iha primeira semana IX Governu Konstitusional, Primeiru-Ministru Xanana simu vizita Ministra Negósiu Estranjeiru Austrália Senadora Penny Wong hodi diskute no hametin kooperasaun bilateral no apoia dezenvolvimentu infraestrutura Timor-Leste ba oin
Reportazen: Lidia Amaral & Marcela Mery