Komandante PNTL Relata Difikuldade 3 Ba PR Horta
SAPNewsTL,Dili: Hafoin Hala’o sorumutu ho Presidente Repúblika José Ramos Horta, Komandante Polísia Nasional Timor Leste (PNTL) Komisáriu Henrique da Costa haktuir, enkontru informa difikuldade sira no situasaun iha rai laran no fronteira ba Presidente
“Ohin informa konaba situasaun iha rai laran no mos progresu servisu polisia sira nian ba Presidente Republika, husu atu reforsa ita nia fronteira no husu mos atu polisia nafatin kontinua sira nia kna’ar diak no hatudu profisional polisia nian ho diak tanba parte Polísia sira mos infreta difikuldade lubuk ida mak hanesan rekursu humanu, transporte no komunikasaun”. Tenik Komandante PNTL Henrique da Costa ba Jornalista sira iha Palasiu Presidensial Aitarak-laran, 02/08/2023
Komandante ne’e akresenta, PNTL kontinua hala’o knaar ho rekursu ne’ebe Iha hodi akompanha situasaun iha territóriu Nasional
“Ita nafatin hala’o ita nia kna’ar ho rekursu ne’ebe mak ita iha,dadauk ne’e ita akompaña situasaun normal ita nia polisia sira iha Munisipiu no mos iha unidade sira hala’o servisu ho makas, Munisipiu Dili mak dalaruma iha engrafamentu Nune’e PNTL sei halo patroleiamentu”,Dehan Henrique
Iha enkontru ne’e, Komandante ne’e Informa mos ba Presidente Repúblika kona ba difikuldade ne’ebe PNTL hasoru liliu limitasaun Rekursu Humanu, Transporte no Komunikasaun
“Ita nia difikuldade ida mak transporte no mos Rekursu Humanu umanu, ema ne’ebe Mak koloka Dalaruma limitadu, distándia dook, maibe ita sei nafatin hala’o servisu ho kualidade iha fronteira”. Nia afirma
Reportazen:Lidia Amaral & Domingos Ferreira