Kazu Mate Iha Sela, Suspensaun Iha Limitasaun Bele Tama Fali Servisu
SAPNewsTL,Dili : Komandante Polísia Nasional Timor Leste (PNTL) Herique Da Costa hateten, Polisia sira Ne’ebe reforma sei fila fali ba iha vida sivil tanba komandante jeral hasai ona despaisu no hein deit prosesu husi Ministro Interior, Enkuantu kazu mate iha cela laran ne’e laos servisu PNTL nian maibe atende husi parte PCIC
Komandu PNTL Nasional Hateten Polísia sira nebe reforma agora labele tan ona kontinua sira nia servisu no sei fila ba hanesan vida sivil.
“Komandante jeral hasai ona nia despaisu atu nune sira ba reforma karta despaisu ba komando jeral fo sai fulan hirak ba kotuk karik iha fali ministru interior halo prosesu seluk ruma, lakoi komandu intervein ba serbisu ba Ministru Interior nian ita akompanha hamutuk,”tenik Komandante PNTL Henrique Da Costa iha loron kuarta feira 02/08/2023.
Komandante PNTL ne’e akresenta “Ita labele tama uluk ba konkluzaun katak bele ka labele, ita hein prosesu husi Ministro Interior halo Pois mak ita Hare, Husu ba PNTL tenke servisu profisionál ho limatasaun ne’ebé iha, maibé labele lakon vontade servisu para nune’e asegura problema iha rai ida-nee.
Entretantu, liga ba kazu Sidadaun Bernadino Mate iha sela laran, nia parte konsidera La’os PNTL nia servisu no kazu refere atende husi PCIC
“Kazu mate iha sela ne’e laos servisu PNTL nian para atu prosesa, tanba kazu ne’e atende hosi parte PCIC. Ita lakoi fó komentariu servisu parte seluk nian. Kona-ba suspensaun ba membru PNTL ne’ebé deskonfia hakotu joven nia vida iha sela ne’e iha limitasaun suspensaun servisu loron hira, tinan hira, sei ezekuta ninia suspensaun bele fila fali ba servisu”,Dehan Komandante PNTL ba jornalista sira iha palasiu presidensial.
Jornalista: Lídia Amaral & Domingos Ferreira