Forsa Traballu Menuz, Korea Sul Sei Rekruta Traballador Iha Skill & Laiha Skill

SAPNewsTL, DILI : Hafoin enkontru entre Embaixador Krea Sul no Sekretariu Estadu Formasaun Profisional e Emprego(sigla Portugues SEFOPE), Embaixador Korea fasilita livru ho lian korea ba sentru formasaun ruanulu resin ne’en(26), hodi fasilita formador sira hanorin estudante no prepara Timor oan sira ba Servisu iha Korea.

Embaixador Korea Shin Man Taec hateten katak ohin loron nia kumpri nia promesa hodi fahe livru ho lian korea baziku ba sentru formasaun sira

“Ha’u sei lembra iha fim do mes marsu, ha’u promete ba ita bo’ot sira katak ha’u sei fahe livru, ba ita bo’ot sira mesmu tarde oituan maibe laran ksolok tanba bele kontribui ba ha’u nia promesa ne’e. Ha’u nia esperansa, husi livru ne’e, ba husi ita bo’ot sira ema ida mak liu, tan livru ne’e mos los ona. Liu husi livru ida ne’e sei sai susessu no esperansa bo’ot ida ba ha’u”.Dehan Embaixada Korea Shin Man Taec, liu husi diskursu, Quarta-feira(02/07/2023)

Embaixador ne’e garante, programa ne’e sei kontribui ba kualidade moris povu Timor nian, liu-liu ba familia sira ne’ebe mak haruka nian oan sira ba servisu iha ne’eba

Enquantu nia informa katak dadaun ne’e Korea presija trabalhador barak atu ba servisu iha nasaun Korea tantu ba sira ne’ebe mak iha Skill no sira ne’ebe mak laiha skill

“Korea presija trabalhador para ba servisu, ne’e faktu notisia diak. Korea dadaun ne’e presija atu simu trabalhador barak liu tan, tantu husi sira ne’ebe mak la iha skill, no sira ne’ebe mak iha skill”Informa nia

Iha fatin hanesan, SEFOPE Rogerio Araujo Mendonca saleinta katak Objetivu ba enkontru loron ida ohin ne’e inisiativa husi Embaixador Korea mai iha Timor-leste ho SEFOPE halibur iha fatin ida, hodi distribui livru ba sentru formasaun sira atu fo formasaun lian korea ba kada sentru, sentru formasaun sira hamutuk 26, portantu konteudu husi livru ne’e liu-liu kona-ba lingua korea atu bele asesu ba formasaun no asesu ba mercadu rai-liur

Nia haktuir katak politika governu nian, sei apoiu sentru formasaun ne’ebe mak iha kapasidade hodi forma joventude sira iha lingua hodi nune’e bele forma joven ho kualidade

“Politika governu nian kada tinan sempre iha kuandu identifika sentru formasaun ida ne’e, iha kapasidade hodi bele fo formasaun ba ita nia joventude sira ita presiza fo apoiu ba sira,atu nune’e bele hakbit ita nia joven sira”.

“Ohin ita halo intervensaun ida ne’e no sentru formasaun walu(8), ne’ebe mak iha kualifikasaun liu-liu estandarliza Indimo nian husi nivel 1 to 4,maibe sira seluk iha hela prosessu ne’ebe mak indimo nian” Nia hakotu

Daudaun ne’e, sentru formasaun lian Korea iha Timor Leste kontinua forma no prepara Timor oan sira hodi ba servisu iha Korea do Sul, tantu sira ne’ebe iha skill no laiha skill

Jornalista : Marcela Mery da Costa