Kritériu Kandidatu Rekruta Membru PNTL ! Submisaun Dokumentu To’o 9 Setembru

SAPNewsTL, Díli : Rezolusaun Governu Nú. 9/2025, loron 12 fulan-Fevereiru define katak governu sei rekruta Membru Polisia Nasional Timor-Leste (PNTL) hamutuk na’in 500 hodi “reforsa pesoál sira no hadi’a kapasidade operasionál,” tanba PNTL hasoru dezafiu signifikativu sira iha tinan hirak ikus ne’e.

Marciana da Conceição – SAPNewsTL

1. Ajente Polísia Nasionál Timor-Leste

Formuláriu Aplikasaun

Aplikante sira tenke hatama dokumentu sira hanesan tuir mai:

1. Fotografia kór ho fundo mean (dimensaun 3 X 4 cm) tahan rua;
2. Foto kopia Billete Identidade (BI), tahan ida.
3. Foto kópia Kartaun Rejistu Eleitór nian, tahan ida
4. Foto kopia Sertidaun Moris RDTL, tahan ida
5. Foto Kopia Diploma Sekundariu (Legaliza husi Ministériu Edukasaun), tahan ida.
6. Sertidaun rejistu kriminál válidu durante fulan 6;
7. Ba kandidatu sira ne’ebé hetan ona julgamentu iha Tribunál – fotokópia hosi desizaun tribunál nian:
8. Ba kandidatu sira ho prosesu legál iha Tribunál dokumentu ne’ebé prova estatutu prosesuál;
9. Deklarasaun husi Xefe Suco, asina husi Administrador Postu Administrativu no Komandante eskuadra
10. Foto Kopia ficha familia nian, tahan ida.
11. Deklarasaun hosi Konsellu Kombatente Libertasaun Nasionál,
12. Fotokópia kartaun identifikasaun pesoål no sertifikadu tama iha PNTL, ba kandidatu sira oan husi inan-aman PNTL, tahan ida.
13. Prepara no Submete Dokumento
14. Prepara Dokumentu hahu Dia: 05 até 29 Augustu 2025,
15. Submete Dokumentu Dia: 12 Augusto até 09 de Setembru 2025.
16. Fatin Sumete documentos iha 12 Comando Municipiu, RAEOA, Administrasaun Espesial Atauró no Sentru Formasaun Polisia (SFP) Comoro, Dili, ba Kandidatu sira ne’ebe hela iha Kapital Dili (Baseia ba Eleitoral no BI).
17. Ajente Polisia Nasional Timor-Leste

Kondisaun Admisaun Jeral sira

Kondisaun admisaun jerál ba kompetisaun maka:

1. Sidadaun Timor-Leste nian;
2. Domina pelumenus lian ofisiál ida;
3. Sei solteiru;
4. Iha kualifikasaun akadémika minimu 12º ano ka ekivalente,
5. Idade tinan entre 18 no 23, to’o loron 31 fulan-Dezembru tinan 2025;
6. Aas minimu 1,58 m ba kandidatu Feto no 1,65 m, ba kandidatu mane;
7. Iha aptidaun fiziku no mentál rekoñesidu ba ezersisiu knaar polisia nian;
8. Iha kualidade morál apropriadu no komportamentu siviku ne’ebé permite sira atu atua bo justisa, lealdade, integridade, onestidade, no kompetensia profisionál, hodi hamosu konfiansa no respeitu hosi populasaun no kontribuí ba prestijiu PNTL no instituisaun demokrātiku sira;
9. La hetan ezonerasaun husi instituisaun seluk Estadu nian;
10. La hetan kondenasaun tanba krime intensionál ruma;
11. Hatudu adekuasaun ba ezersisiu funsaun polisia nian, ne’ebé karakteriza ho la sai arguidu iha kualkér prosesu kriminál neʼebé la’o hela, no mós la sujeita ba medida koersivu, akuzasaun formál, ka julgamentu ba krime intensionál ho ofensa kriminál ne’ebé bele hetan kastigu liu tinan tolu iba prizaun;
12. Disponivel ba knaar iha ne’ebé de’ït iha territóriu nasional, wainhira tuir no kompleta ho susesu CFA-PNTL, tuir nesesidade servisu PNTL nian.

Lembra fali katak tuir publikasaun ne’ebe SAP News – TV asesu liu hosi Jornal da República iha haktuir katak governu liu hosi Konsellu Ministru aprova ona proposta rekrutamentu membru PNTL hamutuk 500 ne’ebe apresenta hosi Ministru Interior

“Definisaun ba pessoál atu rekruta ba Polísia Nasionál Timor-Leste iha tinan 2025 no autorizasaun atu loke konkursu públiku ba admisaun formasaun ajente no ofísial sira”.Sita iha Jornal da República, 12/07/2025

IX Governu Konstitusionál kontinua halo esforsu atu dezenvolve rekursu umanu Polísia Nasionál Timor-Leste (PNTL) nian ho objetivu atu fó ba nia númeru pesoál ne’ebé sufisiente hodi hala’o nia misaun no tuir planu estratéjiku sira ne’ebé aprova ona.

“Nomeadamente, Planu Estratéjiku 2023-2030 (Planu Desenvolvimentu Sustentável ba Polisiamentu Timor-Leste) Planu Estratéjiku ba Seguransa Interna 2011-2030, Planu Estratéjiku Dezenvolvimentu 2011-2030, no Programa Governu Konstitusionál da-IX”.

Konsidera, dahuluk, katak intensaun maka atu “reforsa pesoál sira no hadi’a kapasidade operasionál,” tanba PNTL hasoru dezafiu signifikativu sira iha tinan hirak ikus ne’e tan falta rekursu umanu ne’ebé sufisiente atu hala’o ho efetivu nia funsaun sira iha nasaun tomak, no falta pesoál ida-ne’e sai aat liután lahó influénsia korrespondente hosi pesoál foun sira.

Prosesu rekrutamentu iha tinan ida ne’e sei permite reforsa PNTL nia kuadru sira, fornese tan rekursu umanu hodi garante prezensa polísia adekuadu iha munisípiu hotu-hotu. Ida-ne’e sei hadi’a nivel patrullamentu no vijilánsia hodi kontribui ba sentidu seguransa no prezensa ne’ebé boot liu iha populasaun nia leet

Tuir mai, “rejuvenescer os quadros e promover a renovação”—aleinde défisit numériku, PNTL mós hasoru dezafiu forsa ida ne’ebé envelhese. Ofisiál atuál barak maka besik ona ba idade reforma nian ho média maizumenus tinan 46—ne’ebé bele agrava liután falta polísia nian iha tinan hirak tuirmai.

Lansamentu prosesu rekrutamentu iha 2025 ne’e sei permite inkorporasaun hosi númeru konsideravel hosi ofisiál sira ne’ebé joven liu, nune’e promove renovasaun no rejuvenesimentu hosi forsa instituisaun nian ne’ebé sei sai benefisiál la’ós de’it operasionalmente maibé mós ba introdús dinámika no mentalidade foun sira iha forsa polísia nia laran.

“Promove reprezentasaun no prosimidade entre komunidade sira,” atu asegura forsa polísia ida ne’ebé reprezentativu liután ba diversidade nasaun nian, ne’e esensiál atu estabelese relasaun ida konfiansa no prosimidade nian ho komunidade oioin.

Rekrutamentu ofisiál ba PNTL nu’udar nesesidade estratéjiku ne’ebé vitál atu garante lideransa ne’ebé iha kapasidade atu komanda no foti desizaun iha senáriu kompleksu ho risku aas hodi hatán ho efetivu ba ezijénsia ne’ebé buras hosi seguransa nasionál no instituisaun PNTL

Ikus liu, rona tiha Komandante Jerál PNTL nian, tuir Artigu 92 hosi Dekretu-Lei No. 35/2024 loron 18 fulan-Outubru hodi konsidera vaga hamutuk 500, 400 ba prosesu selesaun públika ba admisaun formasaun ajente ne’ebe ingresu iha postu ajente PNTL no 100 ba formasaun ofisiál ho entrada subsekuente ba grau Inspetór Asistente PNTL.

1. Atu determina katak nesesidade ba pesoál ne’ebé atu rekruta ba PNTL iha tinan 2025 mak vaga 500.
2. Atu autoriza Ministru Interiór loke prosesu selesaun públika ho vaga 400 ba admisaun ba formasaun ajente ne’ebe tama ba Postu Ajente Polísia Nasionál Timor-Leste.
3. Atu autoriza Ministru Interiór loke konkursu públiku ho vaga 100 ba admisaun iha Kursu Formasaun Ofisiál ba entrada subsekuente ba kargu Inspetór Asistente Polísia Nasionál Timor-Leste nian.
4. Atu determina katak rezolusaun ida-ne’e tama iha vigór iha loron tuirmai ninia publikasaun.

Aprovasaun hosi Konsellu Ministru ne’ebe asina hosi Primeiru Ministru Kay Rala Xanana Gusmão ne’e iha loron 5 fulan-Fevereiru tinan 2025 no publika iha Jornal Repúblika iha loron 12 Jullu 2025.

Tuir planu, rekrutamentu ne’e sei organiza hosi Ministériu Interior no hahú ninia preparasaun iha fulan Agustu tinan ne’e. Informasaun detallu no kritériu kandidatu SAPNews sei publika wainhira iha ona rekezitu ba rekrutamentu.