Kualifikasaun Taxa AFC 2027 ! TL Sei Hasoru Tajikistaun, Filipina & Maldivas
Imajem : Selesaun Nasional Timor-Leste hala’o komunikadu imprensa iha Tajikistaun, 24/03/2025. Foto : FFTL
SAPNewsTL, Tajikistaun : Relativamente ho jogu kualifikasaun Tasa Ásia AFC 2027 – ronde datoluk, Ekipa Selesaun Nasional Timor-Leste hala’o ona konferénsia imprensa hodi informa katak Timor-Leste sei hasoru ekipa Tajikistaun iha Estádiu Central Repúblika, loron 25 Marsu 2025.
Tuir iha informasaun mak SAPNews asesu liu hosi página ofisial Federação Futebol Timor-Leste (FFTL), treinadór prinsipál Selesaun Nasional Timor-Leste, Simon Elissetche hatete ekipa Timor-Leste sei joga hasoru nasaun tolu hanesan, Tajikistaun, Filipina no Maldivas ne’ebe forte tebes no kualifikasaun di’ak iha rangking FIFA.
“Iha grupu A ne’e, Timor-Leste mak fraku tebes kompara ho nasaun tolu seluk. Maske nune’e, Ekipa Selesaun Nasional Timor-Leste mós nafatin rezisti hodi hadi’a preparasaun no hetan oportunidade atu kompete”.Teni treinadór prinsipál Selesaun Nasional Timor-Leste, Simon Elissetche iha Tanikistaun, 24/03/2025
prinsipál Selesaun Nasional Timor-Leste, Simon Elissetche. Foto : FFTL
Treinador Selesaun Nasional ne’e afirma, ekipa Timor-Leste nafatin aproveita oportunidade no fó aan tomak atu hetan rezultadu ne’ebe di’ak no sai kompetitivu iha jogu hasoru ekipa Tajikistaun no ekipa sira seluk hanesan Maldivas no Filipina.
“Maske nasaun tolu ne’e mak hanesan ekipa ne’ebe forte, maibé parte treinadór mós halo ona análiza ba sira nia jogu no tau fiar ba ninia jogadór Timor-Leste kontinua halo esforsu makas hodi kompete ho sira”.
Dadaun ne’e, Ekipa Timor-Leste nia preparasaun kontinua buras ba beibeik, nune’e fiar-aan no prontu atu hatudu rezultadu pozitivu bainhira jogu hasoru ekipa Tajikistaun.
Imajem : prinsipál Selesaun Nasional Timor-Leste, Simon Elissetche no Kapitaun Zenivio Mota
Kapitaun husi ekipa Timor-Leste, Zenivio Mota mós afirma tán katak, “parte jogadór hakarak hatudu jogu ho kontente no harame jogu refere, tanba ne’e durante hala’o ona preparasaun ne’ebe di’ak no optimista katak sei halo Tajikistaun derrota iha jogu refere”. Tenik Kapitaun
Diretór Kompetisaun FFTL, João Campos mós partisipa enkontru Match Commissioner AFC iha Tajikistaun hodi ko’alia kona-ba preparasaun jogu entre Timor-Leste ho Tajikistaun iha loron 25 Marsu 2025.
Fo lembra katak nasaun tolu ne’ebé hamutuk ho Timor-Leste iha grupu A ho klasifikasaun aas iha FIFA maka hanesan Tajikistaun okupa 104, Filipina okupa iha fatin 150, Maldivas okupa 162, no Timor-Leste okupa iha espasu 197.
Ohin loron 25 fulan Marsu 2025, Selesaun Nasional Timor-Leste sei hasoru ekipa Tajikistaun iha Estádiu Central Repúblika, loron 25 Marsu 2025.
Jornalista : Anina Gama Martins
