Kuaresma : “Hakribi Imi Salan & Fiar Iha Evangelhu”

Imajem : Espesial

Sapnews Pro : Hakerek nanis iha Livru Gênesis 3:19, katak “Ho laran-kmaan ita sei han ai-fuan, to’o ita fila fali ba rai, tanba ita foti husi rai; ita mai husi rai-rahun no ita sei fila fali ba rai-rahun”. (No suor do teu rosto comerás o teu pão, até que te tornes à terra; porque dela foste tomado; porquanto és pó e em pó te tornarás)”.

“Ita Mai Hosi Rai, Ita Sei Fila Ba Rai-rahun, Hakribi Imi Salan no Fiar Iha Evangelhu.”

Segundu Pe. Philip Heng, SJ iha Evangelhu, Jesus fó hanoin ba nia eskolante sira atu sempre perdua ema sira ne’ebé halo sala hasoru sira. Jesus hatutan tan katak maske ita-nia fiar kiik hanesan mostarda musan kiik, Maromak nunka falha fó kbi’it no sabedoria mai ita atu moris tuir nia hakarak ne’ebé lori rekonsiliasaun, unidade no dame iha relasaun familia nian.

Evanjellu :

1. Jesus dehan ba nia eskolante sira: “La bele hadook ema housi esemplu aat sira; maibe susar ba ema ne’ebé fo esemplu aat.
2. “Kesi fatuk boot dulas batar nian ida ba nia kakorok hodi soe nia ba tasi, diak liu fali nia dada labarik kiik sira ne’e ida ba sala.”
3. “Imi haree di-diak ba: o nia maluk ida halo sala karik, fo hatene ba nia; nia hakribi sala karik, perdua nia”.
4. “Nia sala dala hitu karik hasoru o iha loron ida nia laran, no nia hateten mos ba dala hitu ‘Ha’u hakribi,’ perdua nia ba.”
5. Apostolu sira hateten ba Na’i: “Haboot ami nia fiar!”
6. Na’i hatan ba sira: “Imi nia fiar boot karik hanesan modo musan ida, imi bele dehan ba aihun ne’e: ‘Fokit o an husi ne’e, ba kuda o an iha tasi laran,’ nia sei halo tuir.

Reflesaun :

“Jesus fo hanoin ita atu tau matan ba ita-nia aan. Liu husi Espírito Santo, Jesus moris iha ita ida-idak nia-an. Se ita moris besik ba Nia, ita presiza tauk. Ita bele fiar katak ita sei hetan solusaun ba ita nia dúvida no tentasaun sira hotu”.

“Mostarda musan ne’ebé kiik tebes sei moris no sai aimahon boot tebes. Foti paso kiik ida kada loron atu besik ba Maromak. Tau konfiansa iha Na’I Maromak nia laran luak (diak) no mizerikordia atu Nia bele akompanha ita”.

“Fiar liutan iha Maromak no o nia-an. Dedika o nia-an ba Maromak no husik Nia atu lori ita ba misaun ne’ebé o bele serbí Nia diak liutan”.

Ahu-Kdesan Iha Ulun Ba Fuan Iha Maromak

Iha quarta-feira cinzas, ita sarani sira simu ahi-kdesan iha ita nia rentos iha forma kruz hodi promete katak Prontu, “Hakribi Salan Fiar Iha Evanjellu “.

Sarani ida-idak arepende ba nia salan, husu perdaun ba Maromak no fiar iha lia-lós ne’ebé Jesus Kristu haklaken. Sinzas loke janela kuaresma nian no tama ba paskoa hodi refleta an, renova fiar no firme iha fiar no hahalok ne’ebe los, moos no tuir evanjellu haruka.

Hakribi salan rasik ho fiar, Moris nakloke ba ema seluk mak hatudu liu husi fó esmola, orasaun no jejum.

1. Jejum

Liga ba ita nia an rasik. Buat ne’ebé foun husi jejum laós iha hamenus hahan, maibé, refere liu-liu ba ita-nia vizaun. Ita nia “modo de olhar” nu’udar ema sarani. Katak haree ba ita an rasik, tau matan ho diak ba sá mak ita han, ativa ita-nia pratiku laran maus/kompaixaun, hadók-an husi sasan ne’ebé satan netik ita atu haree buat diak, kmanek Nai Maromak nian. Hadók-an husi buat ne’ebé estraga ita husi fuan laran. Basá, fuan mak lalenok ba ita-nia interioridade

2. Esmola

Liga ba ita-nia maun-alin sira. Ne’e katak ita fó buat ne’ebé ita iha. Laós buat ne’ebé naresin. Katak iha ita nia “jeitu haree” ba sasan sira tenki sai foun. Jeitu haree ida ne’ebé tulun ema seluk, ne’ebé konsegue haree buat diak haksumik iha ema seluk, haree ida ne’ebé sai humanu liutan, fo korazem, konsola, no halo karidade.

3. Orasaun

Liga ita ho Maromak. Ita-nia matan tenki fihir metin iha Jesus-Cristo, haree ba nia ho fuan tomak, haree ba maun-alin ho domin, haree ba kriasaun sira ho admirasaun. Só nune’e deít mak orasaun iha nia abut ne’ebé metin no lori mudansa ba moris.