La Gosta Papa Nia Krítika ! Trump Akuza Leão XIV, Fraku Kona-Ba Krime & Polítika

Imajem: Presidente Estados Unidos América Donald Trump & Papa Leão XIV. Foto: Donald Trump & Vatican News

SAPNewsTL, Internasionál : Presidente Estados Unidos América (EUA) atake Papa Leão XIV katak nia fraku kona-ba krime, polítika externa, Donald Trump lakoni Papa ida ne’ebe halo kritika ba asaun ne’ebe América halo hasoru Venezuela no Iraun.

“Papa Leo fraku kona-ba krimi, no la di’ak iha politika estranjeiru. Nia koalia kona-ba “ta’uk” husi Administrasaun Trump, maibé la mensiona ta’uk ne’ebé Igreja Katólika no organizasaun Kristaun sira seluk hasoru durante COVID, bainhira padre sira, ministru sira no ema seluk hotu hetan prizaun tanba halo servisu igreja”. Hakerek Presidente EUA Trump liu hosi nia kanal ofisial, 14/04/2026.

Trump deklara nia parte la gosta Papa Leão XIV, “Ha’u gosta liu nia alin Louis duké nia, tanba Louis suporta MAGA. Nia kompriende, maibé Leo la kompriende! Ha’u la hakarak Papa ida ne’ebé hanoin katak di’ak ba Iran atu iha arma nukleár”.

Presidente EUA ne’e sublinha nia parte lakohi Papa ida ne’ebe dehan sala kona ba América nia atake ba Venezuela.

“Ha’u lakohi Papa ida ne’ebé hanoin katak sala bainhira Amerika ataka Venezuela, nasaun ida ne’ebé haruka droga barak ba Estadu Unidu no, liu tan, halo prizaun sira sai mamuk hodi haruka kriminozu sira, inklui ohodor sira, trafika droga no kriminozu sira mai ita-nia nasaun”. Nia sublinha

Donald hatutan, “ha’u lakohi Papa ida ne’ebé kritika Prezidenti Estadu Unidu tanba ha’u halo buat loos ne’ebé povu hili ha’u ba ho vitoria boot hodi reduz krimi to’o nivel ki’ik liu no kria merkadu asaun (stock market) ne’ebé boot liu iha istória”.

“Leo tenki agradese, tanba hanesan ema hotu hatene, nia eleisaun nu’udar surpreza boot. Nia la iha iha lista ruma atu sai Papa, no Igreja hili nia tanba nia Amerikanu, no sira hanoin ne’e sei ajuda sira ho Prezidenti Donald J. Trump. Se la iha ha’u iha Casa Branca, Leo la iha iha Vatican”. Nia deklara

Trump dehan tan, “Infelismente, Leo fraku kona-ba krimi no arma nukleár, ne’ebé la agradavel ba ha’u. Nune’e mos ho faktu katak nia hasoru malu ho ema simpatizante Barack Obama hanesan David Axelrod, ema esquerda ida ne’ebé hakarak atu kadeia ema ne’ebé ba igreja”.

“Leo tenki hadia nia an hanesan Papa, uza sentidu komun, para de’it apoia esquerda radikal, no foka atu sai Papa di’ak, la’ós polítiku. Ida ne’e estraga nia, no liu-liu estraga Igreja Katólika”. Hakotu Prezidenti Donald J. Trump

Antes ne’e, Amu Papa Leo XIV uza liafuan forte hasoru funu bainhira halibur sarani sira iha orasaun, “Ema ne’ebé reza la oho no la ameasa ho mate, maibé hatene nia limite rasik.”

Arogánsia opresaun, domin hasa’e. Idolatria taka matan, Maromak moris halo naroman, “doben sira, fiar uitoan, fiar nia rahun, to’o ona atu ita hasoru hamutuk, nu’udar umanidade no ho umanidade, momentu dramátiku ida-ne’e iha istória.”

Orasaun la’ós, iha efeitu, subar-fatin ida atu halai sees hosi ita-nia responsabilidade sira, no mós la’ós anestéziku ida atu evita moras ne’ebé hamosu injustisa barrak.

“Iha ita ida-idak, iha ema ida-idak, Mestre interiór hanorin dame, dudu ita atu hasoru, inspira invokasaun. Tan neʼe, ​​mai ita foti ita-nia matan! Mai ita hamriik hosi ruin sira! Laiha buat ida mak bele taka ita ba destinu ida ne’ebé hakerek tiha ona, la’ós mós iha mundu ne’e iha-ne’ebé rate sira parese la sufisiente, tanba moris kontinua atu hetan kruzifikasaun no anikilamentu la hó direitu ka laran-sadia”. Sublinha Papa iha sabadu semana kotuk.

Amu-Papa Leão XIV hateten “Ema ne’ebé reza la oho no la ameasa ho mate, maibé konxiente ba ninia limite rasik,” nia hateten iha Rozáriu nia rohan.

Ema ne’ebé la reza maka atan ba mate, fila kotuk ba Maromak moris, “hodi halo nia an rasik no nia kbiit sai estátua beik, matan-delek no tilun-diuk ne’ebé nia sakrifika valór hotu-hotu no iha ne’ebé nia hakarak atu mundu tomak hakneak.”

“To’o ona ho idolatria ba an rasik no osan! To’o ona ho ostentasaun forsa nian! To’o ona ho funu! Forsa loloos manifesta iha servisu ba moris.”

Molok husu ba Na’i “atu funu nia loko-an bele hotu no atu Rai bele hetan kuidadu no kuda hosi sira ne’ebé hatene nafatin oinsá atu hamosu, proteje, no hadomi moris,”

Leão XIV husu atu ema hotu fila “ba uma ho ida-ne’e atu reza nafatin, lahó dezanimasaun, no ho konversaun fuan ne’ebé kle’an.”