LABEH Sei Lori Estudante Sira Ba Palasiu Prezidente

SAPNewsTL,Dili: Lalenok ba Ema hotu liu husi Departamentu Edukasaun sei halo karta ba Prezidente Repúblika hodi lori estudante ba Palasiu Prezidensial hodi asesu biblioteka atu bele aprende buat ruma husi funsionariu sira.

Tuir Direktor Ezekutivu LABEH Christopher Henry Samson iha selebrasaun loron Aniversariu LABEH ba dala 19 katak LABEH prosesa ona karta ba Prezidente atu lori estudante sira ba palasiu prezidente.

“Ohin LABEH liliu iha departamentu edukasaun simu novidade ida ne’ebé di’ak, LABEH mos komesa ona prosesu oinsa bele halo karta ba presidenti da republika liu husi departamentu relevante,oinsa estudante LABEH bele ba iha ne’eba hodi aprende buat ruma iha biblioteka sira ne’ebé iha, oinsa bele aprende buat ruma husi staff sira ne’ebé mak servisu iha palasiu prezidente”. Dehan Direktor Ezekutivu LABEH Christopher Henry Samson iha edifisiu Colégio São Miguel Arcanjo Rai-Kotu Kinta-Feira,25/08/2022.

Direktor ne’e hatutan nia mos kontente no iha esperansa katak prezidente sei loke odamatan ba sira atu bele lori estudante sira ba iha palasaiu prezidente hodi aprende.

“Ha’u mos kontenti rona prosesu ida ne’e tanba ami fiar, esperansa ami nian mak ne’e katak loron ida ita sei iha prezidente ida ne’ebé loke nia odamatan ba kiik oan sira, loke odamatan ba povu kiik sira no ba organizasaun hotu-hotu, ohin husi palasiu prezidente ezije katak LABEH iha posibilidade lori estudante sira ba iha palasiu prezident “. Nia salienta

Jornalista: Antonina Lopes & Domingas Da Conceição

Editor: Ekipa Editorial