Aniversariu LABEH Ba Dala 19, Lori TL Ba Boa Governasaun
SAPNewsTL, Dili: Lalenok Ba Ema Hotu (LABEH) halo Aniversáriu ba dala 19 ho tema “LABEH haree Timor Leste ho Esperansa” ne’ebé maka hamrik ho nia organizasaun oinsa atu luta hasoru korupsaun ho nia vizaun no misaun oinsa lori Timor Leste bele sai nasaun ne’ebé livre husi korupsaun no bele halo boa governasaun iha Timor Leste
“Iha tinan ida ne’e uza tema ida dehan LABEH Haree Timor Leste ho Esperansa tanba LABEH fiar katak esperansa mak dalan úniku ida ne’ebé ita hodi hakat ba oin, tanba ne’e lalenok ba ema hotu ho esperensia servisu ne’ebé ami halo iha tempu ne’ebé difisil ami nunka hanoin ka mehi katak ho situasaun ne’ebé difisil teb-tebes ba LABEH maibé ami bele hakat ba oin to’o ohin loron tanba iha esperansa foti komitmentu ida ne’ebé forte”. Dehan Direktor Ezekutivu LABEH Christopher Henry Samson iha edifisiu Colégio São Miguel Arcanjo Rai-Kotu Kinta-Feira,25/08/2022.
Direktor ne’e hatutan nia sente kontente tanba iha aniversériu ne’e hetan divertimentu husi estudante formasaun ingles ne’ebé mak aprezenta husi kiik oan sira.
Nia akresenta LABEH espera ho implementasaun governu ba projetu por programa sei nafatin iha boa governasaun.
“LABEH nafatin iha esperansa ho sistema boa governasaun ne’ebé la’o iha Timor Leste, ita haree governu ida tun, ida sa’e maibe governu ida agora ne’e, governu ba dala ualu(8) iha programa ne’ebé sira implementa, agora dadauk governu komesa implementa ninia programa projetu ida por programa i boa governasaun, kada programa ne’ebé ami implementa iha kada Ministeriu sempre iha programa ida ba boa governasaun”. Tenik nia
Nia fundamenta agora daudaun iha ona mudansa mentalidade hodi ezekuta orsamentu
“Ita komesa iha mudansa mentalidade, oinsa ezekuta orsamentu jeral estadu ne’ebé aprova ona ba sira, ita haree prosesu ne’e la’o tanba sistema ida fo la’os buat ne’ebe fasil maibe sei lori tempu ne’ebe naruk hodi halo mudansa ba ema nia mentalidade maibe dalan sira ne’e la hamate ita nia esperansa ba Timor Leste atu sai nasaun ida ne’ebé boa governasaun“. Nia hakotu
Jornalista: Antonina Lopes & Domingas Da Conceição
Editor: Ekipa Editorial