Laiha Solusaun Iha Diálogu! Trump Deklara Blokeia Selat Hormuz

SAPNewsTL, Internasionál : Negosiasaun entre Iraun & Estados Unidos da América laiha akordu, Presidente Estados Unidos América (EUA) Donald Trump deklara blokeia Selat Hormuz imediatamente.

“Enkontru ne’e lao di’ak, pontu barak hetan akordu ona, maibé pontu ida de’it ne’ebé importante liu, nuklear, la hetan akordu”.

“Husi oras ne’e kedas, Marinha Estadu Unidu ne’ebé di’ak liu iha mundu sei hahú prosesu atu blokeia naviu hotu-hotu ne’ebé tenta tama ka sai husi Estreitu Hormuz.” Hakerek Presidente EUA Donald Trump liu hosi nia rede sosial, 13/04/2026.

Iraun promete atu loke dalan Estreitu Ormuz maibe la konsege. Ida-ne’e hamosu ansiedade, dislokasaun, no moras ba ema no nasaun barak iha Mundu tomak.

Enkontru ho Iraun hahú iha dadeer-saan, no dura to’o kalan tomak (20 horas), buat barak ne’ebé maka hetan ona maibé, iha de’it buat ida ne’ebé maka importante “Iran la hakarak atu husi nia ambisaun nuklear” !

Pontu sira ne’ebé maka konkorda ona di’ak liu duké kontinua ita-nia Operasaun Militár sira to’o konkluzaun, maibé pontu sira-ne’e hotu la importa kompara ho permite Enerjia Nukleár atu iha ema sira ne’ebé volátil, difisil, imprevizível nia liman.

“Sira la rende tebes kona-ba asuntu importante liu, ha’u sempre hatete iha tinan barak nia laran laiha iha arma nuklear”. Trump sublinha

Diálogu ne’e dura durante oras 21 (12/04/2026), Nasaun rua ne’e kontinua fó sala ba malu no laiha konsensu hosi negosiasaun to’o la hetan akordu paz no hakotu funu iha médiu oriente.

“Notísia aat maka ita seidauk hetan akordu ida, ha’u hanoin katak ida-ne’e hanesan notísia aat ba Iraun liu fali notísia aat ba Estadus Unidus Amérika,” Deklara xefe delegasaun norte-amerikanu, Vise-Prezidente JD Vance iha Islamabad, 12/04/2026. Sita Reuters

Estados Unidos América Sublinha Linha Mean ! Iraun Konsidera EUA Nia Pedidu Barak Liu, La Razoável

Vance hatete Iraun hili atu la simu deklarasaun sira Amerika nian inklui atu la halo arma nukleár sira.

“Entaun ami fila fali ba Estadus Unidus la hetan akordu ida. Ami fó sai ona ho klaru saida maka ami nia liña mean sira.”

“Ita presiza haree kompromisu afirmativu ida katak sira sei la buka arma nukleár ida, sira sei la buka ferramenta sira ne’ebé ⁠sei permite sira atu hetan lalais arma nukleár ida. Ne’e maka objetivu sentrál hosi Prezidente Estadus Unidus nian no ami koko atu atinji liuhosi negosiasaun ida-ne’e.” Informa JD Vance

Negosiasaun iha Islamabad ne’e maka enkontru direta dahuluk entre Estadus Unidus no Iraun iha dékada ida liubá no diskusaun hirak ne’e iha nível aas liu dezde Revolusaun Islámika 1979 nian.

Tuir Ajénsia notísia semi-ofisiál Iraun nian Tasnim hatete katak ezijénsia sira “esesivu” hosi Estadus Unidus nian impede ona atu hetan akordu ida. Mídia iranianu sira seluk hatete iha akordu kona-ba asuntu lubuk ida maibé Estreitu Ormuz no programa nukleár Iraun nian maka pontu prinsipál iha negosiasaun ne’e to’o la hetan solusaun.

Porta-vós ida hosi Ministériu Negósiu Estranjeiru Iraun nian hatete katak dialogu sira hala’o iha atmosfera ida deskonfiansa.

“Parte rua (Iraun & EUA) kontinua mantein sira nia kompromisu ba sesarfogu”, hatete hosi ministru Negósiu Estranjeiru Pakistaun nian, Ishaq Dar, iha komunikadu ida hafoin diálogu.

Parte rua ne’e konkorda hodi halo sesarfogu ida durante semana rua hodi hapara funu ida ne’ebé hahú iha loron 28 fulan-Fevereiru ho atake aéreu sira hosi Estadus Unidus no Israel hasoru Iraun.

Vance hatete katak nia ko’alia ona ho Prezidente Donald Trump dala sanulu resin durante konversa sira.

“Ami halo hela negosiasaun, karik ami halo akordu ka la’e, tanba ami manán ona”, nia hatete.

Delegasaun sira husi norte-amerikanu mak enviadu espesiál Steve Witkoff no Trump nia mane-foun Jared Kushner. Ekipa Iraun nian inklui Prezidente Parlamentu Mohammad Baqer Qalibaf no Ministru Negósiu Estranjeiru Abbas Araqchi.

Teeraun mós hakarak kobra taxa tránzitu iha Estreitu Ormuz.

Maski iha diferensa sira iha Islamabad, supertanker tolu ne’ebé nakonu ho petróleu liu hosi Estreitu Ormuz iha loron-sábadu. Ró petrolíferu atus resin sei metin hela iha Golfu, hein atu sai durante períodu sesarfogu semana rua nian.

Aliadu norte-amerikanu, Israel mós bombardea militante sira Hezbollah ne’ebé hetan apoiu hosi Teeraun iha Líbanu no hatete katak konflitu la’ós parte ida hosi Iraun-EUA. sesarfogu. Iraun insisti ona katak funu sira iha Líbanu tenke para.