Leão XIV : “Ezisténsia AI Ajuda Melhoria Atendimentu Saúde”
Imajem : Papa Leão XIV iha Vaticano, 02/10/2025. Foto : Vatican News
SAP News TL,Vatikanu : Iha audiénsia ofisiál entre Papa no Konfederasaun Médika Latino-Ibero-Amerika no Karibe (CONFEMEL), Sua Santidade Papa Leão XIV informa, ezistensia teknolojia Artifisiál Inteligénsia (AI), eziste hodi melhora servisu saúde, maibé nia labele troka mèdiku no doktor sira.
𝐆𝐮𝐢𝐥𝐡𝐞𝐫𝐦𝐢𝐧𝐨 𝐑𝐚𝐦𝐨𝐬 𝐝𝐚 𝐂𝐫𝐮𝐳 – 𝐒𝐀𝐏𝐍𝐞𝐰𝐬 𝐓𝐋
Tuir Papa Leão XIV, impaktu Artifisiál Inteligénsia (AI) iha área saúde, sei ajuda mediku sira halo atendimentu ba pasiénte ho efetivu, maibé teknolójia la bele substitui papel fundamental médiku iha relasaun ho pasiénte.
“Konvikaun ida ne’e ajuda mós ita atu hatudu klaru fatin Inteligénsia Artifisiál iha área médiku, nia bele no tenke sai ajuda atu hadia atendimentu klíniku, maibé la bele substitui doutór”.Dehan Papa Leão XIV, hafoin hasoru malu ho médiku sira, iha Vatikanu, Quarta-feira, (02/10/2025).
Papa subliña, Papa Bento XIV, ‘rezerva boot ba domin ho inan-nain ba moris, ne’ebé fo dame no esperansa ba ema ne’ebé sofre’. Algoritmu ida la bele substitui gestu kmanek ka liafuan konsolu.”
“Algoritmu ida la bele no nunka troka jestu proximidade. Inteligénsia Artifisiál bele no tenki ajuda atu hadia atendimentu klíniku, maibé la bele troka Doutor, no médiku sira nia servisu”.
Pontífise hatutan katak, Igreja iha loron selebrasaun Santu Anju Guarda, hetan momentu ida atu reflete kona-ba relasaun médiku no pasiénte, ne’ebé bazeia ba kontaktu pesoal, solidariedade no humanidade. Nia akontese katak IA mak instrumentu valiozu atu aumenta efisiénsia servisu médiku, maibé la iha kapasidade atu susbtitui proximidade umana ho empatia ne’ebé fundamental ba médiku sira.
Entretantu, iha sorumutu entre Papa Leão XIV ho médiku sira ne’e, Papa Leão XIV sublinha relevánsia relasaun humanizadu iha sistema saúde global, reafirma katak progresu teknolójiu sei kontínua importante, maibé responsabilidade moral médiku no dignidade pasiénte mak prinsipál, la bele troka husi algoritmu ida.