Lider Jerasaun Foun Kontribui Ba Desportu, Kushin Ryu Realiza Tasa Asanami 2023

Imajen: Atleta Kushin Ryu Karate-Do Timor-Leste partisipa Tasa Asanami iha jinajiu desportu Dili sesta 10/02/2023

SAPNewsTL, Dili: Kushin Ryu Karate-Do Timor-Leste realiza kampionatu nasional ho naran Tasa Asanami 2023 tanba Mariano Sabino Asanami nu’udar lider jerasaun foun fo kontribuisaun ba desportu no hola parte iha luta Timor-Leste ukun rasik an.

“Ha’u orgullu tebes ba Kushin Ryu Karate-Do Timor-Leste tau naran Tasa Asanami ne’e diak ba atleta sira tanba ida ne’e hau nia kodigu funu nian signifika  manu aman ne’ebe atleta sira sei kompete para atu sai manu aman asuwain para bele ba luta iha rai liur maibe ita nia atleta tenki simu realidade lakon ka manan ne’ebe ita hein katak ho maromak no heroi asuwain sira nia tulun kompetisaun lao diak to’o remata”, dehan patrosinador Mariano Sabino Asanami ba jornalista sira iha jinajiu desportu Dili, sesta (10/02/2023).

Asanami hatutan, Tasa Asanami   sei halo kada tinan rua  no sei halo diak liu tan ho agora ne’e karik bele konvida ema barak inklui husi Kupang mos mai partisipa hotu tanba kompetisaun ida ne’e prepara  mental, dixiplina ho espiritual atleta sira nian importante ba sosiedade sira ne’ebe estadu tenki investe iha desportu selae ema iha ambisaun boot la iha preparasaun ba simu realidade lakon maibe sei fo impaktu boot, tan ne’e husu ba atleta sira partisipa ho domin no kontente tanba kompetisaun ne’e fo fiziku saudavel

Nia informa, desportu ne’e importante liuliu Karate ba atleta sira ne’ebe treinu hodi partisipa kompetisaun tanba bele treina fizikamente, dixiplina no rezulta saude diak hodi hamosu mentalidade diak, kompetisaun hala’o para atleta sira nia mentalidade diak ba lakon no manan ne’e normal maibe ida ne’e tenki sai kultura ida ba Timor-Leste labele mai buka manan deit selae halo stres tanba iha ema barak hakarak sai boot hodi hetan privilegiu lakoi sai kiik maibe husi desportu hanorin ema iha mentalidade ba lakon no manan simu realidade depende ba preparasaun.

Imajen: Mariano Sabino Asanami

patrosinador ne’e afirma, desportu liu-liu karate halo ema sai lider tanba iha mentalidade luta oinsa sai manan nain, dixiplina no moris iha organizasaun tan ne’eema tenki esforsu hatudu dixiplina para lori sosiedade Timor-Leste nia ba rai liur tanba Timor-Leste ukun an ho esforsu juvetude sira nian liu husi luta tanba atleta sira tenki orgullu simu treinamentu iha Karate tanba hanorin mentalidade asuwain bainhira lakon treinu fila fali tanba lakon mak bele rekonese frankeza depois ba manan fali tanba lakon oportunidade manan sei mai.

   Iha fatin hanesan prezidente komisaun organizador Saturnino Gomes Brito de Caldas hatete, objetivu husi kompetisaun ne’e prepara atleta sira kompetente jogu internasional no jogu partisipa husi munisipiu neen ho atleta feto mane nain-207.

“Objetivu husi Tasa Asanami mak ita hasae talentu atleta sira para kompete iha kompetisaun nasional, rejional no internasional ne’ebe kompetisaun ne’e sei partisipa husi ita nia atleta senior sira mai husi Dili A ho B, Aileu, Bobonaro, Ermera, Covalima ho RAEOA ne’ebe total atleta nain-207, atleta feto nain-76 no mane  nian-131”, tenik Saturnino

Saturnino akresenta, apoiu ba Tasa Asanami ne’e orsamentu mai husi patrosinador Mariano Sabino Asanami ne’e tau naran Tasa Asanami tanba Mariano Sabino Asanami nu’udar jerasaun foun iha Timor-Leste luta nia mos kontribusaun ba ukun rasik an no agora fo nia kontribusaun ba desportu hodi Juvetude sira husi Karate-Do nian  bele banati tuir.

Reportajen: Augusto dos Santos