Imajem Ahi Han-Mutuk Uma Lisan Lekur-Lorasa, Lautem, 25/02/2023
SAPNewsTL, Dili -Liu husi komunikadu Imprensa, Autoridade Protesaun Sivil (APC sigla portuges) haktuir APC rejista vitima ba dezastre natural iha munisipiu sia mak akontese ahi han uma, anin sobu uma no rai halai hahu husi loron 21-27 fulan fevereiru 2023
“Ami rejistu uma kain 73 vitima ba dezastre natural mak munisipiu Aileu anin sobu uma ida, Ermera anin sobu uma rua, Liquica anin sobu uma tolu no ahi han ida, Covalima anin sobu uma ida, Dili ahi han Uma ida kuaze xefe familia 50 mak hela, Lautem ahi han uma lisan ida, Manatutu anin sobu uma 1, RAEOA ho anin sobu uma sia, Viqueque ahi han uma ida no anin sobu uma tolu ida ne’e mak akontese durante loron 21-27 de fevreiru 2023 “,dehan Diretor Gabinete Relasaun External Komunikasaun Anacleto Caetano ba jornalista iha edifisiu APC Caikoli, Dili segunda (27/ 02/ 2023).
Diretor Gabinete Relasaun External Komunikasaun Anacleto Caetano
Diretór hatutan, komandu APC kada Munisipiu ne’ebe akontese ne’e ho parseirus relevante fornese kedas asistensia emerjensia ba familia afetadus sira mak hanesan ai-han no material sira seluk no komandu operasional APC munisipiu sira refere sei kontinua halo hela levantamentu detallu kona-ba sasan ne’ebe estragu no lakon.
Nia informa, CNOPC-APC kordena ho DNMG-MTC, observa kondisaun klima rejiaun Timor-Leste ba loron lima oin mai, katak udan ho intensidade fraku to’o forte kontinua akontese kuaze iha teritoriu Timor Laran hotu prinsipalmente iha rejiaun Foho. Velosidade anin sei varia husi normal to’o makaas liu, akompaña ho rajada (anin fuik) iha rejiaun kosteiras tasi ibun sira, husu ba publiku ne’ebe iha rejiaun Timor Leste katak tenki kuidadu an tanba udan, anin, rai halai ho velosidade ne’ebe mak as tebes liuliu ba sira ne’ebé hela iha rai lolon, mota ibun no foho leten atu tau atensaun ba iha ida ne’e.
Jornalista : Antonio Tilman