Matan La Haree ! Delfina Sente Moris Iha Nakukun Laran, Halerik Ba MSSI
Imajem : Entrevista Defisiente matan, Delfina Perreira iha nia rezidensia, Atsabe, Quinta, (06/06/2024)
SAPNewsTL, Ermera – Inan Delfina Perreira sofre defisiente matan, husu IX Governu Konstitusional tau atensaun ba asuntu difisiente hodi kombate estigma ijustisa sosial iha familia no sosiedade
Defisiensia matan, Delfina Perreira hateten, durante tinan rua ona nia labele hare hanesan uluk, hodi tulun nia laen kaben, Marito Monteiro, hodi buka osan sustenta família.
Nune’e ho laran triste nia hato’o ba Governu sentral no Asosiasaun Halibur Defisiénsia Matan Timor-Leste (AHDMTL) atu bele tulun nia asesu ba asesibilidade públiku sira.
“Bainhira ha’u hasoru problema matan la haree, ha’u senti triste tebe-tebes tamba, buat hotu sai nakukun, ha’u labele hare, kuaze tinan rua (2) ona, maibé parte Governu no AHDMTL seidauk apoiu ha’u ba material bazika ruma, inklui ha’u seidauk asesu ba asesibilidade publiku sira iha Suku, Malabe, Postu Administrativu Atsabe, Munisipiu Ermera”, Dehan Defisiente matan, Delfina Perreira ba SAPNews Timor-Leste iha nia rezidensia, Quinta, (06/06/2024)
Nia hatutan, moris ne’ebe nia hasoru todan teb-tebes, tamba atividade sira ne’ebe antes ne’e nia hala’o, agora nia labele halo buat ida, ho triste tebes nia husu Governu trata asuntu difisiente sai nu’udar asuntu importante.
“Ha’u iha laen naran Marito Monteiro, nia iha kna’ar katekista iha komunidade ida ne’e, ami nain rua la hahoris to’o agora. Maibé liu husi grasa, Maromak nian ami nain rua hakiak maun nia oan no bin sira nia oan, nain rua (2) Oan hakiak Abia Monteiro, ne’e nafatin hatete, mai ha’u hanesan oan ida. Ha’u husu ba parte Governu liliu ba assosiasaun defisiensia nian, buka meius oinsa bele haree ha’u nia nama ne’ebe agora hetan defisiensia matan nian.”
Entertantu, deficiente, Delfina konta ba SAPNews katak antes ne’e liu husi Autoridade lokál Suku, Malabe, rekolha ona nia kartaun eleitoral hodi submete ba Munisipiu Ermera maibé tinan ida ona, seidauk hetan resposta husi parte sosial.
Hafoin notisia ne’e tun SAP News seidauk halo komfirmasaun ho parte Ministériu Solidariedade Munisipal tanba sei okupadu ho servisu seluk.
Jornalista: João Marito