MCI & INAP Fasilita Formasaun Jestaun Eskritóriu Ba Funsionáriu 29 Iha Manufahi
Imagem : Representante Ministru Komersiu no Indústria-MCI atuál Diretór Nasionál Rekursu Humanu Jorge Ferreira iha Manufahi, 30/05/2025. Foto : Média MCI
SAPNewsTL, Manufahi : Ministériu Komersiu no Indústria (Sigla portugés MCI) liu hosi Diresaun Nasional Rekursu Humanos servisu hamutuk ho INAP fasilita formasaun ba funsionáriu hamutuk ruanulu resin sia (29).
Marciana da Conceição – SAPNewsTL
Representante Ministru Komersiu no Indústria-MCI atuál Diretór Nasionál Rekursu Humanu Jorge Ferreira hateten formandu hirak ne’e kompostu husi munisípiu Aileu, Ainaru, Baucau, Covalima, Manufahi no Dili, formasaun ne’e foku ba Jestaun Eskritóriu (JE).
“Formasaun ne’e foku liu ba matéria Jestaun ba aan rasik no tempu, hakerek dokumentus, etika komunikasaun no kordenasaun servisu, atendimentu públiku no jestaun arkivu ba faze daruak durante semana ida iha munisipiu Manufahi”.hateten Representante Ministru Komersiu no Indústria-MCI atuál Diretór Nasionál Rekursu Humanu Jorge Ferreira iha Manufahi, 30/05/2025
Diretór Nasionál Rekursu Humanu Jorge Ferreira husu ba formandu sira atu bele aplika materia ne’ebe durante loron lima (5) husi formador Instituto Nasional Administrasaun Publika (INAP).
“Formasaun ida ne’e importante tebes, maske formasaun loron lima ne’e la sufisiente ba ita bo’ot sira maibé aprende, imi bele konese malu diak entre munisipio ida ba munisipiu seluk hodi bele aprende ba malu tanba Timor-Leste atu la’o ba oin presisa ita hotu nia kontribuisaun liliu ita-nia unidade no servisu hamutuk hodi bele atende komunidade ne’ebe presisa ita-nia tulun” Dehan Jorge Ferreira.
Jorge Ferreira mos agradese ba Diretor USD-MCI-Munisípiu Manufahi tamba bele iha liña kordenasaun sérvisu ne’ebe diak hodi realiza formasaun refere.
Diretór USD-Ministériu Komérsiu no Indústria Munisípiu Manufahi, Feliciano da Costa agradese planu Ministériu Komérsiu no Indústria liu husi Rekursu Humanus tanba bele kapasita ona funsionáriu sira iha aréa Jestaun Eskritoriu.
“Agradese ba formasaun ne’e, husu mós parte Rekursu Humanu atu formasaun labele to’o de’it iha Jestaun Eskritoru maibé kontinua area seluk hanesan Lideransa no língua, atu bele kapasita liu tan funsionáriu sira nia abilidade”.