Melhoria Prestasaun Servisu, GJPRU Avalia Servisu Administrasaun Públika

SAPNewsTL, DILI : Grupu Jestor Profesional Rekursu Umanu (GJPRU) kria enkontru hodi mellora prestasaun servisu rekursu umanu kada ministeriu hodi serbi nasaun no povu.

“Ohin ami halo enkontru ba daruak iha tinan 2022 ho tema hamutuk mellora prestasaun servisu hodi serbi nasaun no povu tanba GPRU ne’e grupu ne’ebe akumula ami hotu servisu rekursu umanu iha ministeriu sira hotu”, Tenik Koordenador GJPRU Agostinho Kelu ba jornalista sira iha edifisiu SEJD Lecidere, Díli sesta (20/10).

Koordenador ne’e aumenta, GJPRU nia papel mak atu ajuda governu liu Komisaun Funsaun Públika para atu akumula servisu rekursu umanu sira iha kada ministeriu sira hodi tuur hamutuk buka dezafiu sira ne’ebe hetan iha servisu administrasasaun públika iha kada ministériu sira para halo forum buka solusaun rezolve dezafiu sira ne’e

GJPRU nia prezensa atu ajuda komisaun funsaun públika sai hanesan ponte ida entre administrasaun públika sira kada ministériu ho komisaun funsaun públika tanba  komisaun ne’e nu’udar independente hodi tau matan ba funsionariu públiku sira.

Iha fatin hanesan SEJD Abrão Saldanha hatete, enkontru GJPRU ne’e atu avalia servisu administrasaun públika iha kada ministériu sira tanba ne’e governu kria komisaun funsaun públika para haree dezempenhu servisu administrasaun públiku hodi profesionaliza rekursu umanu iha Timor-Leste

“Enkontru ne’e ita halo para oinsá atu avalia rezultadu servisu administrasaun públiku liliu servisu rekursu umanu kada ministériu nian tanba iha nasaun ida administrasaun públika importante tebes tanba ita nia governu harii komisaun funsaun públika para haree dezempenhu servisu administrasaun públiku iha ita nia ministériu idak-idak para profesionaliza ita nia rekursu umanu iha Timor-Leste”. hatete Abrão

Iha Sorin seluk, Komisariu Funsaun Publika (KFP) Antonio Freitas konsidera kapasitasaun rekursu umanu ne’e importante tanba administrasaun públika barilla, dalan ba susesu nasaun ne’e badak hein katak ukun nain sira tuir mai bele halo diak liu tan

“Formasaun sai save prinsipal para profesionaliza ita nia administrasaun públika liliu kapasitasaun rekursu umanu tanba bainhira administrasaun baralla oitun governante sira atu matenek oinsa susesu ba ita nia nasaun ne’e dalan badak liu tanba ne’e ita tenki fo nafatin prestasaun ba ita nia funsionariu sira ne’e, hein katak ba governu foun bele tau importansia ba ida ne’e atu nune’e ita nia funsionamentu públiku bele diak liu tan”, komisariu hateten

Reportajen: Augusto dos Santos & Juvita Sarmento

Editor         : Ekipa Editorial