Minutu 1 Hakmatek ! Hanoin Hikas Saudozu Nicolau Lobato, Nia Restu Mortal Iha Ne’ebé ?

Imajem : Presidente Nicolau Lobato iha Dili, 28 Novembru 1975.

SAPNewsTL, Dili : Ohin loron 31 Fulan Dezembru nu’udar loron mate Saudozu Nicolau dos Reis Lobato, momentu oportunu ne’ebé atu fo onra no glori ba heroi aswa’in sira ne’ebé fo sira vida hodi sosa ukun rasik an.

Hanoin Hikas Presidente Nicolau dos Reis Lobato iha tinan 46 Liu Bá

Saudozu Nicolau Lobato: “A última bala é a minha vitória, a nossa vitória é uma questão de tempo”

Saudozu Nicolau Lobato: “Foinsa’e sira, ami nia terus mak imi nia ksolok, ami nia mate mak imi nia mehi, imi nia mehi mak nasaun nia mehi”.

Saudozu Nicolau Lobato: “Timor ida deit, Povu ida deit, Sentimentu ida deit, Hanoin ida deit, Objetivu ida deit, Liberta Pátria no Liberta Povu”.

Saudozu Nicolau Lobato: “Ita nia nasaun kiik no fraku, ita nia inimigu barak ho kbiit makaas. Maibe, ita hatene katak ita bele no ita tenki manán”.

Saudozu Nicolau Lobato: Luta Kontra Imperalizmu, Luta Kontra Kolonializmu

Saudozu Presidente Nicolau dos Reis Lobato mate iha loron 31 Fulan Dezembru Tinan 1978 iha Foho Ida iha Suku Mendelo, Munisipiu Manufahi.

Saudozu lakon vida iha batalla, mate wainhira militar Indonésia sira halo hasoru nia ho nia maluk sira iha momemtu ne’ebá.

Tuir Vídeo Ne’ebe asesu antes ne’e, Hafoin Força Indonésia halo assasinatu Hasoru Saudozu Nicolau Lobato Forsa Indonesia tula ho Elicópteru ………….maibé to’o ohin loron seidauk hetan nia restu mortal hodi halot jardim dos herois.

“Ita harohan ba Maromak atu loron ida, Ita belê hetan hikas restu mortais Presidente Nicolau Lobato nian hodi halot Iha Fatin Ne’ebe Dignu”.

“Hamutuk ita halo minutu ida hakmatek ba Saudozu Nicolau Lobato, Ita Harohan Ba Maromak atu to’o loron ida Ita belê hetan nia restu mortal”.

Hakerek na’in : Clementino Bragança Machado