Mitiga Mudansa Klimátika ! SEKOMS & TLPU Fasilita Formasaun Ba Jornalista Sira
Imajem : Prezidente TLPU Candido Alves iha Salaun FOKUPERS, Quinta (14/11/2024).
SAPNewsTL, Díli – Organizasaun Timor-leste Press Union (TLPU sigla Portugues ), fasilita formasaun Literasia Mediátika, Mudansa Klimatika no Reportajen Munsipal ba jornalista sira hodi entende kona-ba oinsa kombate risku ba substánsia mudansa klimatika iha Timor-Leste.
Sekretariu Estadu Komunikasuan Sosial (SECOMS) Expedito Loro Dias hatete, Formasaun literasia Mediátika no Mudansa Klimatika ne’e topiku bo’ot ne’ebe mak importante tebe-tebes sai diskusaun mudial, entaun formasaun ida ne’e ho objetivu atu eleva koinesemntu jornalista sira nian hodi habelar informasaun sobre mudansa klimátika.
“Ita nia nasaun Timor-Leste no ba mundu, dala barak ita koalia kona-ba literasia mediátika ho avansu teknolojia ne’ebe mak iha difisil ba ita atu define ida ne’ebe mak lia los no lian falsu tanba ne’e jornalista sira presija komprende literasia mediátika”. Dehan Sekretariu Estadu, Expedito Loro Dias iha Salaun FOKUPERS, Quinta (14/11/2024)
Imajem : Sekretariu Estadu, Expedito Loro Dias iha Salaun FOKUPERS, Quinta (14/11/2024).
Nia informa, mudansa klimátika afeta ba mundu tomak nune’e sai kestaun ba públiku, tamba ne’e papel media importante tebe-tebes atu fahe informasaun ne’ebe logiku ba públiku hodi entende asuntu mudansa klimátika ne’ebe akontese.
“Mundu agora, kestaun mudansa klimátika sai diskusaun bo’ot tanba ne’e mak media nia papel importante oinsa mak bele lori informasaun ne’ebe los ba públiku, agora informasaun nia papel krusial iha sosiedade nia laran, entaun jornalista mak guarda katak kaer media lori lia los, hodi eduka no mobiliza sosiedade nia partisipasaun”. Nia sublinha
Iha oportunidade hanesan, Prezidente Timor-Leste Press Union Candido Alves fundamenta, Sekretariu Estadu Komunikasuan Sosial servisu hamutuk ho TLPU fasilita formasaun ho tematika Literasia Mediátika, Mudansa Klimatika No Reportajen Munsipal hanesan matadalan hodi esplora liu tan koinesementu jornalista nian kobre asuntu mudansa klimátika ne’ebe akontese.
“Ita fo formasaun ne’e tanba ita haree katak durante iha media sosial no media barak tanba ne’e mak ita hodi fo hanoin ba jornalista sira katak ita tenke tetu lia los mak ida ne’e antes ita publika notisia atu bele counter iha media sosial buat ne’ebe mak la los”. Nia hateten
Lider TLPU ne’e akresenta, tuir planu jornalista sira ne’ebe hetan formasaun kona-ba mudansa klimatika sei ba hala’o kobertura iha iha Parke Nasionál Nino Koni Santana Munisipiu Lautem hodi kobre asuntu mudansa klimatika iha area refere.
“Mundu agora apresenta kona-ba mudansa klimátika, entaun ita fo formasaun ida ne’e ba jornalista sira nu’udar mata dalan ida tanba sira sei ba kobertura iha Lautém iha Parke Nino Koni Santana ne’ebe liga ho mudansa klimatika”.Nia informa
Entertantu formasaun refre Organizasaun Timor-leste Press Union servisu hamtuk ho ABC Deveplment hodi fasilita formasaun durante loron rua, partisipa husi membru TLPU, Estudante Sekundaria Jeral 10 de Dezembru no partipante sira seluk.
Jornalista : Marcela Mery da Costa